బాలీవుడ్‌కి వెళ్లాలని ఆలోచన లేని టాలీవుడ్‌ హీరో ఉండడు అంటే అతిశయోక్తి కాదు. అయితే చాలామంది ఈ విషయం బయటకు చెప్పరు. అవకాశం వస్తే ఠక్కున ముంబయి ఫ్లయిట్‌ ఎక్కేస్తారు. అయితే ఇటీవల కాలంలో ఇలా బాలీవుడ్‌ ఆశ పడుతున్న హీరోలు తక్కువే. పాన్‌ ఇండియా సినిమాలతో ప్రభాస్ చేస్తున్నాడు. విజయ్‌ దేవరకొండ, బెల్లంకొండ శ్రీనివాస్‌ ఆ ప్రయత్నాల్లో ఉన్నారు. అయితే అంతకుముందే రానా బాలీవుడ్‌లో అడుగుపెట్టేశాడు. అయితే సపోర్టింగ్‌ క్యారెక్టర్‌తో. ఇప్పుడు అదే రూట్‌లో అతని బావ కూడా బాలీవుడ్‌లోకి వచ్చేస్తున్నాడట.
అక్కినేని కుటుంబానికి బాలీవుడ్‌ పెద్ద కొత్తేం కాదు. నాగార్జున ఇప్పటికే బాలీవుడ్‌లో కొన్ని సినిమాలు చేశాడు. ఇప్పుడు ‘బ్రహ్మాస్త్ర’ చేస్తున్నాడు. అదే రూటులో నాగ చైతన్య కూడా బాలీవుడ్‌లో అదృష్టం పరీక్షించుకోబోతున్నాడట. అయితే హీరోగా కాకుండా తన బావ రానా స్టయిల్‌లో సపోర్టింగ్‌ యాక్టర్‌గా బాలీవుడ్‌కి వెళ్లబోతున్నాడనేది తాజా సమాచారం. ఆమిర్‌ ఖాన్‌ ప్రధాన పాత్రలో రూపొందుతున్న ‘లాల్‌ సింగ్‌ చద్దా’లో కీలక పాత్ర కోసం చైతును చిత్రబృందం సంప్రదించిందట. దానికి అక్కినేని కుర్రాడు ఓకే చెప్పాడని సమాచారం.
‘లాల్‌ సింగ్‌ చద్దా’లో కీలక పాత్ర కోసం విజయ్‌ సేతుపతిని అడిగారని గతంలో వార్తలొచ్చాయిగా. ఆ పాత్రే ఇప్పుడు చైతు చేస్తున్నాడట. సినిమాలో ఈ పాత్రకు తగిన గుర్తింపు ఉండటం, ఆమిర్‌ ఖాన్‌ లాంటి వ్యక్తితో సినిమా చేసే అవకాశం రావడంతో చై వెంటనే ఓకే చెప్పేశాడని సమాచారం. ఓవైపు భార్య సమంత ‘ఫ్యామిలీ మ్యాన్‌ 2’ సిరీస్‌తో బాలీవుడ్‌లో అడుగుపెడుతోంది. ఇటు చై రెడీ అవుతున్నాడు. సూపర్‌ కదా.
Most Recommended Video
మాస్టర్ సినిమా రివ్యూ& రేటింగ్!
రెడ్ సినిమా రివ్యూ & రేటింగ్!
క్రాక్ సినిమా రివ్యూ & రేటింగ్!
Home