సమంత ఎగస్ట్రాలకు నాగ్ చెక్..!!

టాలీవుడ్ క్యూట్ గర్ల్ సమంత చేసే హంగామాకి కింగ్ నాగార్జునకి కోపం వచ్చింది. నాగ్ తనయుడు నాగ చైతన్య, సమంత ప్రేమించుకున్నారు. పెళ్లికూడా చేసుకోబోతున్నారు. ఆ ఆనందాన్ని మనసులోనే దాచి పెట్టుకోకుండా సోషల్ మీడియా వేదికగా స్యామ్ అభిమానులతో చెప్పింది. అంతటితో ఆగకుండా ట్విట్టర్లో ప్రతి అభిమాని అడిగే పెళ్లికి సంబంధించిన ప్రశ్నలకు కొంటెగా, తెలివిగా సమాధానమిచ్చి వార్తల్లో నిలిచింది.

ఆమె సరదా పనుల వల్ల తమ పరువు పోతుందని భావించిన నాగార్జున సమంతను మందలించినట్లు తెలిసింది. “వ్యక్తిగత విషయాల గురించి ఫ్యాన్స్ తో చెప్పుకోవాల్సిన అవసరం ఏమొచ్చింది?. ఇప్పటికే మీడియాలో మీ ఫోటోలు, ట్వీట్లు, హల్ చల్ చేస్తున్నాయి. పెళ్లి ప్రస్తావన కొన్ని రోజులు తీసుకురావద్దు. ఎవరైనా అడిగినా సైలంట్ గా ఉండు” అని నాగ్ కాబోయే కోడలికి హిత బోధ చేసినట్లు ఫిలిం నగర్ వర్గీయుల సమాచారం. సమంత ప్రస్తుతం జనతా గ్యారేజ్ సినిమాలో నటిస్తోంది. దీని తర్వాత ఏ సినిమాకు సైన్ చేయలేదు. తమిళంలో ధనుష్ మూవీలో నటించేందుకు తీసుకున్న చెక్ ను కూడా రీసెంటుగా తిరిగి ఇచ్చేసింది. ఈ ఏడాది చివర్లో నాగ చైతన్యకు, సమంతకు పెళ్లి ఉండబోతోందని, అందుకే ఈ బ్యూటీ ఏ సినిమాను ఒప్పుకోవడం లేదని టాక్.