ఏపీ సీఎం జగన్ ను స్టార్ హీరో నాగార్జున ఈరోజు కలిసిన సంగతి తెలిసిందే. సీఎం జగన్ ను చూసి చాలా రోజులైందని అందుకే తాను జగన్ ను కలిశానని నాగార్జున షాకింగ్ కామెంట్లు చేశారు. సినిమా ఇండస్ట్రీ ఎదుర్కొంటున్న సమస్యల పరిష్కారం కోసమే నాగార్జున జగన్ ను కలిశారని చాలామంది భావిస్తున్నారు. ఏపీ కేబినేట్ మీటింగ్ పూర్తైన తర్వాత నాగార్జున జగన్ తో భేటీ కావడంతో పాటు కలిసి భోజనం చేశారు.
సినిమా రంగానికి సంబంధించిన పలు అంశాల గురించి ఈ భేటీలో చర్చకు వచ్చినట్టు తెలుస్తోంది. ఏపీలో టికెట్ రేట్లను తగ్గించడం వల్ల సినిమా రంగానికి భారీగా నష్టం వాటిల్లుతోందని సినీ ప్రముఖులు భావిస్తున్న సంగతి తెలిసిందే. రాబోయే రోజుల్లో భారీ బడ్జెట్ సినిమాలు థియేటర్లలో రిలీజ్ కానున్నాయి. ఏపీ కేబినెట్ ఆన్ లైన్ ద్వారా టికెట్ల విక్రయానికి ఆమోదం తెలిపింది. ఇలాంటి సమయంలో నాగార్జున సీఎం జగన్ ను కలవడం గురించి చర్చ జరుగుతోంది.
నాగార్జున సైతం క్లారిటీగా చెప్పకపోవడంతో ఇండస్ట్రీ వర్గాల్లో ఈ భేటీ గురించి భిన్నాభిప్రాయాలు వ్యక్తమవుతున్నాయి. విజయవాడకు రావడం సంతోషంగా ఉందని నాగార్జున పేర్కొన్నారు. నాగార్జునతో పాటు నిర్మాతలు నిరంజన్ రెడ్డి, ప్రీతం రెడ్డి జగన్ ను కలిశారు. నాగార్జున ప్రస్తుతం బంగార్రాజు, ది ఘోస్ట్ సినిమాలలో నటిస్తున్నారు. వచ్చే ఏడాది ఈ రెండు సినిమాలు రిలీజ్ కానున్నాయి. వయస్సు పెరుగుతున్నా నాగార్జున వేగంగానే సినిమాల్లో నటిస్తున్నారు.
Most Recommended Video
సంకల్ప బలమే ‘మురారి’ ని క్లాసిక్ చేసింది, 20 ఏళ్ళ ‘మురారి’ వెనుక అంత కథ నడిచిందా…!
ఫ్యాక్షన్ సినిమాకి సరికొత్త డెఫినిషన్ చెప్పిన కృష్ణవంశీ ‘అంతఃపురం’…!
టాలీవుడ్ టాప్ భామల రెమ్యూనరేషన్ ఎంతంటే?
