మహా భారతంలో నాగార్జున పోషించే పాత్ర ఇదే!

బాహుబలి స్పూర్తితో తెరకెక్కుతోన్న సినిమాల్లో మహా భారతం ఒకటి. ప్రముఖ రచయిత, జ్ఞానపీఠ అవార్డు గ్రహీత ఎమ్టీ వాసుదేవన్ నాయర్ రచించిన ‘రండమోజమ్’ అనే నవల ఆధారంగా ఈ సినిమా తెరకెక్కనుంది. నాలుగేళ్లుగా ఈ కథపై  డైరక్టర్  శ్రీకుమార్ మీనన్ కసరత్తు చేస్తున్నారు. ఈ మహా భారతంలో భీముడిగా మలయాళ స్టార్ హీరో మోహన్ లాల్ ఖరారు అయ్యారు. ప్రముఖ వ్యాపారవేత్త డా. బి. ఆర్.శెట్టి వెయ్యికోట్లతో నిర్మిస్తున్న ఈ చిత్రంలో దక్షిణాది ప్రముఖ హీరోలందరూ నటించనున్నారు. టాలీవుడ్ నుంచి నాగార్జున ఖరారు అయ్యారు.

ఆ సినిమాలో అవకాశం గురించి నాగార్జున రీసెంట్ ఇంటర్వ్యూ లో వెల్లడించారు. “మహాభారతం’లో నన్ను కర్ణుడి పాత్ర చేయమని అడిగారు. అయితే సినిమా ఆన్‌ కార్డ్స్‌లో ఉంది. శ్రీకుమార్‌ నాలుగేళ్లుగా ఈ కథపై కసరత్తులు చేస్తున్నారు. రెండేళ్ల క్రితమే వాసుదేవనాయర్‌ కర్ణుడు పాత్ర చేయమని అడిగారు. నాకు కూడా చేయాలని ఆసక్తి ఉంది. మరి చూడాలి” అంటూ చెప్పారు. ఇప్పటివరకు నాగార్జున పౌరాణిక చిత్రాల్లో నటించలేదు. తొలిసారి అటువంటి కథలో కనిపించబోతున్నారు.

Also, do SUBSCRIBE to our YouTube channel to get latest Tollywood updates.