విక్టరీ వెంకటేష్ తో ‘జెమిని’, రవితేజ తో ‘ఒక రాజు ఒక రాణి’, ఆర్యన్ రాజేష్ తో ‘సొంతం’, శ్రీకాంత్ తో ‘ఓ రాధ.. ఇద్దరు కృష్ణుల పెళ్ళి’, రాజశేఖర్ ‘నాయకుడు’ వంటి చిత్రాలతో టాలీవుడ్ లో ఓ వెలుగు వెలిగింది నమిత. ఈ చిత్రాలేమి హిట్లు కాకపోవడంతో ఈ అమ్మడుకి ఆఫర్లు పెద్దగా రాలేదు. దీనితో వెంటనే కోలీవుడ్ కి చెక్కేసింది. అక్కడ అడపా దడపా సినిమాలు చేసినప్పటికీ హీరోయిన్ గా సక్సెస్ కాలేకపోయింది. ఇదిలా ఉంటే.. నమిత అసలు పేరు నమిత వాంక్వాలా. 1998లోనే మిస్ సూరత్ గా మరియు 2001లో మిస్ ఇండియా పోటీల్లో నాలుగవ స్థానం సంపాదించుకుంది. ఇంత ఘనత సాధించినప్పటికీ హీరోయిన్ గా మాత్రం నిలదొక్కుకోలేకపోయింది నమిత.
చాలా గ్యాప్ తీసుకుని ప్రభాస్ సరసన ‘బిల్లా’ చిత్రంతో మళ్ళీ తెలుగులోకి రీ ఎంట్రీ ఇచ్చింది.అయితే ఈసారి నమిత భారీ కాయంతో కనిపించి అందరినీ షాక్ కి గురి చేసింది. ఇంత లావుగా కనిపించినప్పటికీ … ఈ అమ్మడికి నందమూరి బాలకృష్ణ చిత్రం ‘సింహా’ లో హీరోయిన్ గా ఛాన్స్ ఇచ్చాడు బోయపాటి శ్రీను. అయినప్పటికీ ఆ పాత్ర నమితకు పెద్దగా పేరు తెచ్చిపెట్టలేదు. తరువాత తమిళ ‘బిగ్ బాస్’ లో కంటెస్టెంట్ గా ఎంట్రీ ఇచ్చినా కానీ క్రేజ్ మాత్రం రాలేదు. ఇటీవల తన స్నేహితుడైన వీరేంద్ర చౌదరిని 2017 లో వివాహం చేసుకుంది. ఇక పెళ్ళైన తరువాత కూడా షాకింగ్ లుక్స్ తో ఫోటోలకు ఫోజులిస్తుంది నమిత. ఇప్పుడు ఆ ఫోటోలు సోషల్ మీడియాలో హల్ -చల్ చేస్తున్నాయి. ప్రస్తుతం నమిత తమిళంలో పలు చిత్రాలు చేస్తూ కొనసాగుతుండడం విశేషం.
