ప్రిన్స్ ‘బిజినెస్’ టార్గెట్ చేస్తున్న నమ్రత!!!

టాలీవుడ్ టాప్ హీరో ప్రిన్స్ మహేష్ బాబు కరియర్ తొలి నాళ్ళలో పెద్దగా కాంపిటేషన్ ఉన్న్ హీరోగా గుర్తింపు పొందలేకపోయాడు. అయితే దాదాపుగా కొన్ని సినిమాల వరకూ తన తండ్రి సూపర్ స్టార్ కృష్ణ లెగెసి తోనే నెట్టుకుంటూ వచ్చాడు. అయితే అనుకోని విధంగా, సింహం విజృంభించినట్లు ఒక్కసారిగా బాక్స్ ఆఫీస్ ను షేక్ చేసే క్రమంలో దూకుడుగా వెళ్లాడు. ఇక పట్టిందల్లా బంగారం అవడంతో మంచి హిట్స్ తన ఖాతాలో పడ్డాయి.

అంతవరకూ బాగానే ఉంది కానీ, అసలు విషయం ఏమిటంటే…టాలీవుడ్ ఇండస్ట్రీ లో ప్రిన్స్ దూకుడు సినిమా ఎంతటి ఘన విజయాన్ని సాధించిందో అందరికీ తెలిసిందే. అయితే ట్రేడ్ వర్గాల సమాచారం ప్రకారం ఆ సినిమా సూపర్ హిట్ అయితే అయ్యింది కానీ, అనుకున్నంత వసూళ్లను మాత్రం రాబట్టక కాస్త వెనుకబడింది అనే చెప్పవచ్చు. ఇదిలా ఉంటే చరిష్మా ప్రకాశం, హిట్స్ ప్రకారం ప్రిన్స్ దూసుకుపోతున్నాడు అనడంలో ఏమాత్రం సందేహం లేదు, అయితే ప్రిన్స్ మార్కెట్ ను పెంచే భాద్యత ఇప్పుడు భార్య నమ్రత తీసుకుంది అన్న వార్తలు టాలీవుడ్ లో హల్‌చల్ చేస్తున్నాయి. ఇంతకీ విషయం ఏమిటంటే…ఇప్పుడు మహేష్ బాబు, మురుగదాస్ కాంబినేషన్ లో వస్తున్న చిత్రంపై ఫుల్ ఫోకస్ పెట్టారని టాలీవుడ్ నుంచి వినిపిస్తున్న వాదన.

ఒకవైపు మురుగదాస్ సైతం ఈ మూవీపై భారీ బిజినెస్ జరిగే విధంగా ప్లాన్ చేస్తున్నారు. అలాగే మరోవైపు నమ్రత సైతం అదే విధంగా ప్లాన్ చేస్తున్నారు. అయితే ఫైనల్ గా బిజినెస్ కి సంబంధించిన మేటెర్స్ లోకి నమ్రత నిర్ణయాలే తుది నిర్ణయాలు అయ్యే విధంగా నమ్రత డీల్ చేస్తున్నట్లు తెలుస్తుంది. అదే నిజం అయితే అటు శ్రీమంతుడు, ఇటు బ్రహ్మోత్సవం లాగానే ఈ సినిమాను కూడా మంచి కమర్షియల్ సినిమాగా రిలీజ్ చేసే అవకాశం చాలానే ఉంది. చూడాలి మరి ఏం జరుగుతుందో.