నటసింహం నందమూరి బాలకృష్ణ (Balakrishna) సినిమాల్లోకి ఎంట్రీ ఇచ్చి 50 సంవత్సరాలు పూర్తైన సంగతి తెలిసిందే. ఈ 50 సంవత్సరాల సినీ కెరీర్ లో బాలయ్య ఎన్నో విభిన్నమైన పాత్రల్లో నటించడంతో పాటు హీరోగా ఎన్నో బ్లాక్ బస్టర్ హిట్లను సొంతం చేసుకున్నారు. రాయలసీమలోని కొన్ని ప్రాంతాల్లో బాలయ్యకు ఊహించని స్థాయిలో ఫ్యాన్ బేస్ ఉంది. హిందూపురం నియోజకవర్గం నుంచి బాలయ్య మూడుసార్లు ఎమ్మెల్యేగా గెలిచిన సంగతి తెలిసిందే.
తాజాగా బాలయ్య స్వర్ణోత్సవ సంబరాలకు సంబంధించిన ఈవెంట్ గ్రాండ్ గా జరగగా టాలీవుడ్ ఇండస్ట్రీకి చెందిన ఎంతోమంది ప్రముఖ నటీనటులు ఈ ఈవెంట్ కు హాజరై ఈ ఈవెంట్ ను గ్రాండ్ సక్సెస్ చేశారు. ఈ ఈవెంట్ లో బాలయ్య కాస్టింగ్ కౌచ్ గురించి స్పందిస్తూ చేసిన కామెంట్లు సైతం తెగ వైరల్ అవుతున్నాయి. నాకు తెలిసి టాలీవుడ్ ఇండస్ట్రీలో కాస్టింగ్ కౌచ్ లేదని బాలయ్య తెలిపారు.
కాస్టింగ్ కౌచ్ తరహా ఘటనలు బయటికొచ్చిన సమయంలో నేను అందరితో చాలా క్లోజ్ గా విచారిస్తుంటానని బాలయ్య పేర్కొన్నారు. ఏం జరుగుతోందని అడుగుతుంటానని బాలయ్య కామెంట్లు చేశారు. అరుదుగా ఒకటి రెండు ఘటనలు జరిగి ఉండవచ్చని ఇకపై అలాంటివి కూడా జరగకూడదని బాలయ్య వెల్లడించారు. ప్రభుత్వం, పరిశ్రమ కలిసి ప్రత్యేకమైన దృష్టి పెడితే మాత్రమే ఇండస్ట్రీ బాగుంటుందని ఆయన పేర్కొన్నారు.
అదే సమయంలో ప్రతిభ ఉన్న హీరోయిన్లను ప్రోత్సహించాలని బాలయ్య తెలిపారు. మరో మూడు నెలల్లో మోక్షజ్ఞ సినిమా పనులు మొదలవుతాయని ఒక ఇంటర్వ్యూలో చెప్పిన బాలయ్య మోక్షజ్ఞ ఇప్పటికే స్టార్ అని చెప్పడం కొసమెరుపు. మోక్షజ్ఞ కోసం ఐదారు స్క్రిప్ట్స్ ను సిద్ధం చేశామని బాలయ్య (Balakrishna) వెల్లడించారు. మోక్షజ్ఞ ఫస్ట్ మూవీ ఏ రేంజ్ లో సంచలనాలు సృష్టిస్తుందో చూడాలి.
Home