నేచురల్ స్టార్ నాని ప్రస్తుతం తన 24 వ చిత్రాన్ని ‘ఇష్క్’ ‘మనం’ ’24’ ‘హలో’ వంటి విభిన్న తెరకెక్కించిన విక్రమ్ కుమార్ డైరెక్షన్లో చేస్తున్న సంగతి తెలిసిందే. ‘మైత్రి మూవీ మేకర్స్’ సంస్థ నిర్మిస్తున్న ఈ చిత్రానికి సంబందించిన పూజా కార్యక్రమాలు తాజాగా నిర్వహించారు. ఇక ఈ చిత్రంలో కథ ప్రకారం ఐదుగురు హీరోయిన్లు ఉండబోతున్నారు. మరో విశేషం ఏమిటంటే ఈ చిత్రంలో ‘ఆర్.ఎక్స్.100’ హీరో కార్తికేయ విలన్ గా నటిస్తుండడం విశేషం.
ఇక ఈ చిత్రం టైటిల్ ను ఫిబ్రవరి 24 న (రేపు) సాయంత్రం 5 గంటలకు అధికారికంగా ప్రకటించబోతున్నారు. ఇదిలా ఉండగా సోషల్ మీడియాలో మాత్రం ఈ చిత్రం టైటిల్ ఇదేనంటూ ప్రచారం జరుగుతుంది. ఆ టైటిల్ మరేదో కాదు… మన మెగా స్టార్ చిరంజీవి కెరీర్ లో ఆల్ టైం హిట్ మూవీ గా నిలిచిన ‘గ్యాంగ్ లీడర్’ టైటిలే కావడం విశేషం. ఈ వార్త పూర్తిగా నిజమని చెప్పలేం… ఎందుకంటే.. ? విక్రమ్ కుమార్ ఇంత మాస్ టైటిల్ పెట్టేవాడు కాదు. అతని చిత్రంలో ఓ వైవిధ్యత ఉంటుంది… ఆ వైవిధ్యమైన కథను బట్టే సినిమా టైటిల్ ని పెడతాడు. ఇక రేపు సాయంత్రం 5 వరకూ వేచి చూస్తే అసలు టైటిల్ ఏంటనేది ఓ క్లారిటీ వచ్చేస్తుంది. ఇక ఈ చిత్రానికి అనిరుద్ సంగీతం అందిస్తున్నాడు. అనిరుధ్ కి నానితో ఇది వరుసగా రెండో సినిమా. ప్రస్తుతం వీరిద్దరి కాంబినేషన్లో ‘జెర్సీ’ కూడా వస్తుంది.
Home