ద్విపాత్రాభినయం చేయనున్న నాని

వరుసగా విజయాలతో దూసుకుపోతున్న నేచురల్ స్టార్ నాని ఈ ఏడాదిని కూడా సూపర్ హిట్ తో ఆరంభించారు. సినిమా చూపిస్తా మామ ఫేమ్ త్రినాథరావు నక్కిన దర్శకత్వంలో శిరీష్ నిర్మించిన రొమాంటిక్ ఎంటర్టైనర్ ’నేను లోకల్’ తో హిట్  సొంతం చేసుకున్నారు. ప్రస్తుతం శివ నిర్వాణ దర్శకత్వంలో ‘నిన్ను కోరి’ సినిమా చేసి రిలీజ్ కి సిద్ధం చేశారు. దీని తర్వాత రెండు ప్రాజక్ట్ లను లైన్లో పెట్టారు. దిల్ రాజు నిర్మాణంలో MCA మిడిల్ క్లాస్ అబ్బాయి సినిమాకి ఎప్పుడో గ్రీన్ సిగ్నల్ ఇచ్చారు.

వేణు శ్రీరాం దర్శకత్వంలో తెరకెక్కనున్న ఈ మూవీ షూటింగ్ ప్రారంభం కాకముందే మరో యువ దర్శకుడు మేర్లపాక గాంధీ చెప్పిన కథకు ఓకే చెప్పారు. ఈ స్టోరీలో నాని డ్యూయల్ రోల్ పోషించనున్నట్లు తెలిసింది. ఇందులో ఒకటి నెగటివ్ షేడ్స్ ఉన్న పాత్ర అని సమాచారం. గతంలో జెంటిల్ మ్యాన్ సినిమాలో రెండు పాత్రల్లో మెప్పించిన నాని మరోసారి ద్విపాత్రాభినయంతో ఆకట్టుకోవడానికి రెడీ అవుతున్నారన్న మాట.

Also, do SUBSCRIBE to our YouTube channel to get latest Tollywood updates.