మల్టీ స్టారర్ సినిమాలో నాగార్జున, నాని పాత్రలు ఇవే

కృష్ణార్జున నుంచి ఊపిరి వరకు అక్కినేని నాగార్జున అనేక మల్టీ స్టారర్ సినిమాలు చేశారు. యువ హీరోలతో స్క్రీన్ షేర్ చేసుకోవడం ఆయనకీ ఓ సరదా. ఇప్పుడు మళ్ళీ మరో యువ హీరో నాని తో కలిసి నటించడానికి సిద్ధమవుతున్నారు. “భలే మంచిరోజు”, “శమంతకమణి” సినిమాలతో దర్శకుడు శ్రీరామ్ ఆదిత్య పరిశ్రమలో మంచి గుర్తింపు తెచ్చుకున్నారు. డిఫెరెంట్ కథలను మరింత విభిన్నంగా చూపించే ఈ డైరక్టర్ సూపర్ స్క్రిప్ట్ చెప్పి అటు నాగార్జునను, ఇటు నాని ని మల్టీ స్టారర్ సినిమాకి ఒప్పించారు. అయితే ఈ సినిమాలో నాగార్జున, నానిలు ఏ పాత్రల్లో కనిపించబోతున్నారా? అని అభిమానుల్లో ఆసక్తి రోజురోజుకి పెరిగిపోతుంది. ఆ విషయంపై ఆరా తీయగా అసలు సంగతి తెలిసింది. ఈ సినిమాలో నాగార్జున మాఫియా డాన్ గా .. నాని డాక్టర్ గా కనిపిస్తారని టాక్.

ఈ క్యారెక్టర్స్ బట్టి సినిమా ఏదో సీరియస్ గా సాగుతుందనుకుంటే మీరు పొరపాటు పడినట్లే. ఎందుకంటే నాని, నాగార్జున కాంబినేషన్లో వచ్చే సన్నివేశాలు చాలా నవ్విస్తాయని సమాచారం. సినిమా మొత్తం కామెడీ నిండి ఉంటుందని సినీ వర్గాలు తెలిపాయి. ప్రస్తుతం నాగార్జున వర్మ దర్శకత్వంలో పోలీస్ గా నటిస్తున్నారు. మేర్లపాక గాంధీ దర్శకత్వంలో నాని కృష్ణార్జున యుద్ధం సినిమా చేస్తున్నారు. ఈ రెండు పూర్తి అయిన తర్వాత మల్టీ స్టారర్ మూవీ సెట్స్ మీదకు వెళ్లనుంది. అశ్వినీదత్ నిర్మించనున్న ఈ మూవీ గురించి త్వరలో అధికారికంగా ప్రకటించనున్నారు.