హ్యాట్రిక్ హీరో నాని కథానాయకుడిగా ఇంద్రగంటి మోహన్ కృష్ణ తెరకెక్కిస్తున్న తాజా చిత్రం “జెంటిల్ మెన్”. నాని సరసన సురభి కథానాయికగా నటిస్తున్న ఈ చిత్రం టీజర్ ఇటీవల విడుదలై ఓ మోస్తరుగా అలరించింది.
మే 22న ఈ చిత్రం ఆడియోను విడుదల చేయనున్నారన్న విషయం తెలిసిందే. మళ్లీ ఎక్కువ గ్యాపే ఇవ్వకుండా జూన్ 10న సినిమాను కూడా ప్రేక్షకుల ముందుకు తీసుకువచ్చేందుకు దర్శకనిర్మాతలు సన్నాహాలు చేసుకొంటున్నారని తెలుస్తోంది.
“అష్టా చెమ్మ” అనంతరం దాదాపు ఎనిమిదేళ్ల విరామానంతరం నాని-ఇంద్రగంటి కాంబినేషన్ లో వస్తున్న సినిమా కావడంతో “జెంటిల్ మెన్” సినిమాపై ఇండస్ట్రీ వర్గాల్లోనే కాకుండా ప్రేక్షకుల్లోనూ మంచి అంచనాలున్నాయి!
Home