పూరీ జగన్నాధ్ తో సినిమా చేయడం లేదు!

ఇవాళ ఉదయం నుంచి ఒక వార్త హల్ చల్ చేస్తోంది. అదేంటంటే.. నాని తన 24వ సినిమాని పూరీ జగన్నాధ్ దర్శకత్వంలో చేయనున్నాడని. కొన్ని టాప్ వెబ్ సైట్స్ అన్నీ ఈ విషయమై కన్ఫర్మేషన్ న్యూస్ లు కూడా రాసేయడంతో నాని అభిమానులతోపాటు సగటు ప్రేక్షకులు కూడా నిజమేనేమో అనుకొన్నారు. అయితే.. నాని మాత్రం సింపుల్ గా ట్విట్టర్ ద్వారా “Not True :)” (నిజం కాదు) అని ఆ వార్తలన్నిట్నీ కొట్టిపడేశాడు.

ఇదే సందర్భంలో బిగ్ బాస్ కంటెస్టెంట్ సంజన బిగ్ బాస్ ను హోస్ట్ చేసే విషయంలో నాని-ఎన్టీఆర్ ను కంపేర్ చేస్తూ.. ఎన్టీయార్ ఐఫోన్ అయితే, నాని నార్మల్ మొబైల్.. ఇప్పుడు ఐఫోన్ అలవాటైపోయినవాళ్ళకి నార్మల్ ఫోన్ ఎలా అయితే నచ్చదో నాని హోస్టింగ్ కూడా అంతే అని తనపై చేసిన కామెంట్స్ కి నాని స్పందిస్తూ.. “నాకు కూడా ఐఫోన్ అంటేనే ఇష్టం” అని నాని చమత్కరించడం విశేషం. అలాగే.. సీజన్ తొలినాళ్లలో హోస్ట్ గా నిలదొక్కుకోవడానికి నాని కాస్త ఇబ్బందిపడినా సెకండ్ ఎపిసోడ్ నుంచి కాస్త బెటర్ మెంట్ తో, తనదైన కామెడీ టైమింగ్ తో ఆకట్టుకొంటున్నాడు. ఇంకో రెండు ఎపిసోడ్స్ కంప్లీట్ అయ్యేలోపు నాని ఓన్ చేసేసుకొంటాడేమో చూడాలి.