Nani: నాని కొత్త సినిమా.. అప్‌డేట్‌ వచ్చేస్తోంది.. ఎప్పుడంటే? ఏ సినిమా అంటే?

September 4, 2024 / 10:43 AM ISTByFilmy Focus

Join Us

‘సరిపోదా శనివారం’ (Saripodhaa Sanivaaram) అంటూ గత గురువారం వచ్చిన నాని.. అదిరిపోయే విజయం అందుకున్నాడు. ఈ నేపథ్యంలో నాని (Nani) తర్వాతి సినిమా ఏంటి? అనే చర్చ గత కొన్ని రోజులుగా నడుస్తోంది. ఎందుకంటే నాని చేతిలో ఇప్పుడు వరుస సినిమాలు ఉన్నాయి. అందులో ఏది ముందు ప్రారంభమవుతుంది, ఏది తర్వాత ఉంటుంది అనే డౌట్‌ రావడమే దీనికి కారణం. ఈ క్రమంలో నాని తన తర్వాతి సినిమా ఇదే అంటూ ఓ పోస్టర్‌ బయటకు వచ్చింది.

Nani

‘హా తో..’ అని రాసి ఉన్న ఓ పోస్టర్‌లో నాని కారు డ్రైవింగ్‌ చేస్తున్నట్లు ఆ పోస్టర్‌ ఉంది. దీని అర్థం ‘అవును కాబట్టి’. అందులో నాని చేతికి రక్తం కనిపిస్తోంది. దాంతోపాటు ఓ స్టార్‌ కారులో హ్యాంగ్‌ అవుతూ కనిపిస్తోంది. ఇదంతా చూస్తుంటే ఇది పోలీసు కథ అని అర్థమవుతోంది. నాని లైనప్‌ చూస్తే పోలీసు కథ అంటే.. ‘హిట్‌ 3’నే. శైలేష్‌ కొలను (Sailesh Kolanu) దర్శకత్వంలో ఈ సినిమా ఉంటుంది. ఇది నాని 32వ సినిమా అవుతుంది.

మరిన్ని సినిమా వార్తలు.

ఈ సినిమా అఫీషియల్ అనౌన్స్‌మెంట్ సెప్టెంబరు 5న ఉదయం 11.04 గంటలకు చేయబోతున్నారు. ఈ సినిమాలో నాని.. అర్జున్ సర్కార్ అనే పోలీస్ ఆఫీసర్ పాత్రలో నటిస్తాడు. ఇప్పటికే ‘హిట్‌ 2’ (HIT 2) సినిమా క్లైమాక్స్‌లో నాని పాత్రను చూపించేశారు కూడా. పాత్ర చాలా రూడ్‌గా ఉంటుందని, సగటు ‘హిట్‌’ పోలీసులకు డిఫరెంట్‌గా ఉండబోతోంది అని టీమ్‌ అంటోంది. అయితే, నాని అనౌన్స్‌ చేయబోతున్న సినిమా ‘హిట్‌ 3’ సినిమాయేనా? లేక కొత్త సినిమానా అనేది తెలియాల్సి ఉంది.

నిజానికి ఈ సినిమా స్థానంలో శ్రీకాంత్‌ ఓదెల (Srikanth Odela) సినిమా మొదలవ్వాల్సి ఉంది. కొన్ని రోజుల క్రితం ఈ సినిమానే నాని నెక్స్ట్‌ ప్రాజెక్ట్‌ అని అనుకున్నారు. ఆ తర్వాత ఆ సినిమా ఉండదేమో అనే డౌట్‌ పుకారుగా బయటకు వచ్చింది. అయితే ఆ సినిమా విషయంలో వస్తున్న పుకార్లు నమ్మొద్దు అంటూ టీమ్‌ క్లారిటీ ఇచ్చింది.