దిల్ రాజు ఆఫర్ కు తలొగ్గిన అమేజాన్ ప్రైమ్!

August 12, 2020 / 10:46 PM ISTByFilmy Focus

Join Us

దిల్ రాజు ఆఫర్ కు తలొగ్గిన అమేజాన్ ప్రైమ్!

రష్యా వ్యాక్సిన్ కనిపెట్టడానికి ముందువరకు ప్రపంచం మొత్తం కరోనా వ్యాక్సిన్ వస్తుందా రాదా అని టెన్షన్ పడితే.. తెలుగు సినిమా అభిమానులు మాత్రం “వి” సినిమా ఓటీటీ రిలీజ్ ఉంటుందా లేదా అనే విషయంలో టెన్షన్ పడుతూ వచ్చారు. సినిమా డీల్ అయిపోయిందని ఒకసారి, మళ్ళీ అవ్వలేదని ఇంకోసారి రకరకాల వార్తలు రావడం, దానికి దిల్ రాజు & టీమ్ ఎవరూ రెస్పాండ్ అవ్వకపోవడంతో ప్రేక్షకులు కూడా అయోమయంలో ఉండిపోవాల్సి వచ్చింది.

కొన్నాళ్ళకి జనాలకి కూడా ఇంట్రెస్ట్ పోయింది. ఎక్కడ రిలీజ్ అయినా చూద్దాంలే అని వదిలేశారు. అయితే.. ఇవాళ మళ్ళీ “వి” ఓటీటీ రిలీజ్ వార్తల్లో నిలిచింది. ఈసారి మాత్రం డీల్ కంప్లీట్ అయిపోయిందని, సెప్టెంబర్ లో రిలీజ్ అని ఉదయం నుంచి సోషల్ మీడియాలో వార్త చక్కర్లు కొడుతోంది. కొందరు అదేం కాదని నొక్కి వక్కాణించి చెబుతున్నప్పటికీ.. విశ్వసనీయ వర్గాల సమాచారం మేరకు సినిమా డీల్ నిజంగానే ఫినిష్ అయ్యిందని తెలుస్తోంది.

32 కోట్ల రూపాయలకు డీల్ ఫినిష్ అయ్యింది. నాని సినిమా థియేటర్లలో రిలీజ్ అయినా ఈస్థాయి కలెక్షన్ సాధించడం ప్రస్తుత పరిస్థితుల్లో అసాధ్యం. అందుకే దిల్ రాజు ఈ ఆఫర్ ను అంగీకరించాడు. సెప్టెంబర్ రెండో వారంలో అమేజాన్ ప్రైమ్ లో సినిమా స్ట్రీమ్ అయ్యే అవకాశాలున్నాయి. సో, త్వరలోనే పబ్లిసిటీ పనులు మొదలవ్వనున్నాయన్నమాట.