అవసరాల ముందు ఆలోచన

ప్రస్తుతం తెలుగు యువ హీరోలతో పాటు, డైరక్టర్లు కూడా పక్కా ప్లానింగ్ తో ఉన్నారు. వేగం లేకుంటే వెనక్కి వెళ్లిపోతామని భావిస్తున్నారు. చేతిలో ఒక ప్రాజెక్ట్ ఉండగానే నెక్స్ట్ సినిమా గురించి ఆలోచిస్తున్నారు. అష్టా చమ్మా సినిమా ద్వారా నటుడిగా పరిచయమైన అవసరాల శ్రీనివాస్ .. ఊహలు గుసగుసలాడే చిత్రం తో మెగా ఫోన్ పట్టాడు. మంచి విజయాన్ని పొందాడు. విమర్శకుల ప్రశంసలను దక్కించుకున్నాడు. ఆ తర్వాత సినిమాల్లో వివిధ పాత్రలో కనిపిస్తూనే మరో సినిమాకు స్క్రిప్ట్ ని పూర్తి చేసాడు. ఇప్పుడు నారా రోహిత్, నాగ శౌర్యలతో “జో అచ్చుతానంద” ను తెరకెక్కిస్తున్నాడు. ఈ పనుల్లో బిజీగా ఉంటూనే మిత్రుడు నానికి కథ చెప్పి ఒప్పించాడు.

భలే భలే మగాడివోయ్ హిట్ తర్వాత నాని ఇంద్రగంటి మోహన్ కృష్ణ దర్శకత్వంలో జెంటిల్ మాన్ సినిమా పూర్తి చేసాడు. ఇది రిలీజ్ కి సిద్ధంగా ఉంది. దీని తర్వాత ఉయ్యాలా జంపాల డైరక్టర్ విరించి తో సినిమా చెయ్యనున్నాడు. ఈ చిత్రం ఇంకా సెట్స్ మీదకు వెళ్లకు ముందే .. స్నేహితుడు అవసరాల శ్రీనివాస్ సినిమా చేస్తానని నాని చెప్పాడు. అష్టా చమ్మా చిత్రంలో నాని, అవసరాల శ్రీనివాస్ చేసిన అల్లరి.. వీరిద్దరి కాంబినేష న్లో రానున్న సినిమాలో కూడా ఉంటుందని అభిమానులు ఆశిస్తున్నారు.