నేచురల్ స్టార్ నాని ఈ ఏడాది ‘టక్ జగదీష్’ సినిమాతో ప్రేక్షకుల ముందుకు వచ్చాడు. ఓటీటీలో విడుదలైన ఈ సినిమాకు ఆశించిన స్థాయిలో రెస్పాన్స్ రాలేదు. ఇదిలా ఉండగా.. ఇటీవలే నాని ‘శ్యామ్ సింగరాయ్’ సినిమాను పూర్తి చేశాడు. ప్రస్తుతం ఈ హీరో ‘అంటే సుందరానికి’ అనే సినిమాలో నటిస్తున్నాడు. వివేక్ ఆత్రేయ డైరెక్ట్ చేస్తోన్న ఈ సినిమాలో నజ్రియా నజీమ్ హీరోయిన్ గా నటించనుంది. ఈ సినిమాలపై ప్రేక్షకుల్లో భారీ అంచనాలు నెలకొన్నాయి.
ఇవి కాకుండా తాజాగా నాని మరో సినిమాకి గ్రీన్ సిగ్నల్ ఇచ్చాడు. నాని కెరీర్ లో 29వ సినిమా తెరకెక్కనున్న ఈ సినిమా టైటిల్ పోస్టర్ ను దసరా కానుకగా విడుదల చేశారు. ఇంట్రెస్టింగ్ విషయమేమిటంటే.. ఈ సినిమాకి ‘దసరా’ అనే టైటిల్ ను ఫిక్స్ చేశారు. ఇక ఈ పోస్టర్ లో నాని లుక్ ని చూసినవారంతా షాకవుతున్నారు. అసలు నానియేనా అన్నట్లుగా ఉన్నాడు. తొలిసారి ఊరమాస్ గెటప్ లో కనిపించాడు నాని. ‘జమ్మి వెట్టి జెప్తాన్న బద్దల్ బాసిoగాలైతై, సూస్ కుందాం’ అంటూ ఈ పోస్టర్ కి క్యాప్షన్ కు ఇచ్చారు.
దీన్నిబట్టి చూస్తుంటే.. ఈ సినిమాలో నాని తెలంగాణ యాసలో మాట్లాడతారని తెలుస్తోంది. ఈ సినిమాతో శ్రీకాంత్ అనే కొత్త దర్శకుడు పరిచయం కానున్నారు. సుధాకర్ చెరుకూరి నిర్మిస్తోన్న ఈ సినిమాలో కీర్తి సురేష్ హీరోయిన్ గా నటిస్తోంది. దీనికి సంతోష్ నారాయణన్ మ్యూజిక్ అందిస్తున్నారు.
Most Recommended Video
సమంత- నాగచైతన్య మాత్రమే కాదు టాలీవుడ్లో ఇంకా చాలా మంది ఉన్నారు..!
‘రిపబ్లిక్’ మూవీలో గూజ్ బంప్స్ తెప్పించే డైలాగులు ఇవే..!
టాలీవుడ్ స్టార్ హీరోల ఇష్టమైన కార్లు..వాటి ధరలు
