Tuck Jagadish: నాని తన నిర్ణయాన్ని మార్చుకున్నారా?

మిడిల్ రేంజ్ హీరోలలో ఒకరైన నాని నటించిన టక్ జగదీష్ సినిమా అమెజాన్ ప్రైమ్ ఓటీటీలో రిలీజ్ కానుందని 37 కోట్ల రూపాయలకు ఈ సినిమా హక్కులు అమ్ముడయ్యాయని వార్తలు తెగ వైరల్ అయ్యాయి. వరుసగా నాని హీరోగా తెరకెక్కిన సినిమాలు ఓటీటీలో రిలీజ్ అవుతుండటంతో నాని ఫ్యాన్స్ సైతం నిరాశకు గురయ్యారు. అయితే తెలుస్తున్న సమాచారం ప్రకారం ఈ సినిమా డిజిటల్ డీల్ క్యాన్సిల్ అయింది.

గత శుక్రవారం కిరణ్ అబ్బవరం హీరోగా తెరకెక్కి థియేటర్లలో విడుదలైన ఎస్ఆర్ కళ్యాణమండపం సినిమాకు కలెక్షన్లు బాగానే వస్తున్నాయి. కరోనా సెకండ్ వేవ్ తర్వాత రిలీజైన ఈ సినిమా చిన్న సినిమాల్లో పెద్ద హిట్ గా నిలిచింది. ఈ సినిమా రిజల్ట్ వల్ల నాని నిర్ణయం మార్చుకున్నారని వార్తలు వస్తున్నాయి. అయితే టక్ జగదీష్ మేకర్స్ స్పందించి స్పష్టతనిస్తే మాత్రమే టక్ జగదీష్ రిలీజ్ గురించి క్లారిటీ వచ్చే అవకాశం ఉంది.

నిన్నుకోరి, మజిలీ సినిమాలతో వరుసగా రెండు విజయాలను సొంతం చేసుకున్న శివ నిర్వాణ ఈ సినిమాతో మరో సక్సెస్ ను ఖాతాలో వేసుకుంటానని భావిస్తున్నారు. టక్ జగదీష్ థియేటర్లలో రిలీజై సక్సెస్ సాధిస్తే పెద్ద హీరోలు సైతం థియేటర్ల వైపుకు క్యూ కట్టే అవకాశం అయితే ఉంటుంది. టక్ జగదీష్ మేకర్స్ అమెజాన్ ప్రైమ్ తో ఒప్పందాన్ని రద్దు చేసుకున్నారని ప్రచారం జరుగుతుండగా ఈ వార్తలో నిజానిజాలు తెలియాలంటే మరికొన్ని రోజులు ఆగాల్సిందే.

Most Recommended Video

నవరస వెబ్ సిరీస్ రివ్యూ & రేటింగ్!
ఎస్.ఆర్.కళ్యాణమండపం సినిమా రివ్యూ & రేటింగ్!
క్షీర సాగర మథనం సినిమా రివ్యూ & రేటింగ్!