Naresh, Pavitra Lokesh: ఆ విషయం తెలిసి నరేష్ మనస్సు జివ్వుమందట.. ఏమైందంటే?

సీనియర్ నరేష్ పవిత్ర లోకేశ్ జంటగా నటించిన మళ్లీ పెళ్లి సినిమా మరో 48 గంటల్లో థియేటర్లలో రిలీజ్ కానుంది. రిలీజ్ కు కొన్ని గంటల సమయం మాత్రమే ఉన్నా చాలా ఏరియాలలో ఇప్పటికీ ఈ సినిమా బుకింగ్స్ మొదలుకాలేదు. ఓవర్సీస్ లో కూడా మళ్లీ పెళ్లి మూవీ లిమిటెడ్ స్క్రీన్స్ లో రిలీజ్ కానుందని తెలుస్తోంది. అయితే నరేష్ పవిత్రల ప్రేమ కథ గురించి మాత్రం అభిమానులకు చాలా విషయాలు తెలియవు.

అయితే తాజాగా నరేష్ (Pavitra Lokesh) పవిత్రతో ప్రేమ ఎలా మొదలైందనే ప్రశ్నకు సంబంధించి క్లారిటీ ఇస్తూ షాకింగ్ విషయాలను వెల్లడించారు. సమ్మోహనం మూవీ షూట్ సమయంలో నా మనస్సులోని మాటను పవిత్రకు చెప్పానని నరేష్ అన్నారు. మూవీ షూట్ చివరి రోజున పవిత్ర సెట్స్ వదిలి వెళ్లిపోతుందని తెలిసి మనస్సు జివ్వుమందని నరేష్ చెప్పుకొచ్చారు. ఆ సమయంలో అసంతృప్తి వెంటాడిందని అనిపించిందని ఆయన తెలిపారు.

ఆ మూవీ షూట్ సమయానికే మనస్సులో ప్రేమ ఉన్నా చెప్పడానికి సంకోచం అడ్డొచ్చిందని నరేష్ పేర్కొన్నారు. ఇప్పుడు మిస్ అయితే మళ్లీ చెప్పే ఛాన్స్ రాదని సమ్మోహనం సమయంలోనే లవ్ ప్రపోజ్ చేశానని నరేష్ వెల్లడించారు. నేను ఐ లవ్ యూ చెబితే కీప్ లవింగ్ అనే సమాధానం వచ్చిందని నరేష్ పేర్కొన్నారు. అయితే పవిత్ర సమాధానాన్ని ఎలా స్వీకరించాలో నాకు అర్థం కాలేదని ఆయన అన్నారు.

ఈ ఘటన జరిగిన కొన్నిరోజుల తర్వాత మళ్లీ ఇదే విషయాన్ని పవిత్ర దగ్గర ప్రస్తావిస్తే ఆమె ఐ లవ్ యూ అని రాసిచ్చిందని ఈ విధంగా ప్రేమ సక్సెస్ అయిందని నరేష్ పేర్కొన్నారు. పవిత్రతో చిన్నచిన్న మనస్పర్ధలు వచ్చినా వెంటనే కలిసిపోతామని నరేష్ అన్నారు. మళ్లీ పెళ్లి సినిమా థియేటర్లలో ఏ స్థాయిలో కలెక్షన్లను సొంతం చేసుకుంటుందో చూడాలి. ఒక వర్గం ప్రేక్షకుల్లో ఈ సినిమాపై భారీ స్థాయిలో అంచనాలు ఏర్పడ్డాయి.

బిచ్చగాడు 2 సినిమా రివ్యూ & రేటింగ్!
డెడ్ పిక్సల్స్ వెబ్ రివ్యూ & రేటింగ్!

అన్నీ మంచి శకునములే సినిమా రివ్యూ & రేటింగ్!
పిల్లలను కనడానికి వయస్సు అడ్డుకాదంటున్న సినీతారలు