సీనియర్ నరేష్ (Naresh), పవిత్రా లోకేశ్ (Pavitra Lokesh) జోడీ కొన్ని నెలల క్రితం ఊహించని స్థాయిలో పాపులర్ అయిన సంగతి తెలిసిందే. తమ గురించి ఫేక్ వార్తలు ప్రచారం చేస్తున్న మీడియా విషయంలో సైతం నరేష్ సీరియస్ కావడం జరిగింది. అయితే నరేష్, పవిత్ర లోకేష్ మధ్య ప్రేమ ఎక్కడ మొదలైంది? ఎలా మొదలైంది? అనే ప్రశ్నలకు మాత్రం సమాధానం తెలియదు. అయితే తాజాగా ఒక సందర్భంలో నరేష్ ఆ ప్రశ్నలకు జవాబులు ఇచ్చారు.
తన తల్లి విజయనిర్మల పుట్టినరోజు ఫిబ్రవరి 20 అని పవిత్ర లోకేశ్ పుట్టినరోజు కూడా అదే రోజు అని నరేష్ అన్నారు. ప్రకృతి నాకు ఆ విధంగా పవిత్ర లోకేశ్ విషయంలో పాజిటివ్ ఒపీనియన్ కలిగించిందని నరేష్ పేర్కొన్నారు. నా లైఫ్ లో మంచి భార్య లేదని అమ్మ విజయనిర్మల దిగులు చెందేవారని అమ్మ అనారోగ్యంతో చివరిదశలో ఉన్న సమయంలో నా భాగస్వామి గురించి దిగులు చెందొద్దని నా జీవితంలోకి మంచి వ్యక్తి వచ్చిందని నేను అమ్మకు చెప్పానని నరేష్ అన్నారు.
అత్తాకోడలు పుట్టినరోజులు కలవడం రేర్ గా జరుగుతుందని నా జీవితంలో మాత్రం ఈ మిరాకిల్ జరిగిందని నరేష్ వెల్లడించడం గమనార్హం. పవిత్ర లోకేశ్ స్ట్రాంగ్ ఉమెన్ అని ఆమె నాకు నచ్చడం వెనుక కారణం ఇదే అయ్యి ఉండవచ్చని నరేష్ అన్నారు. సీనియర్ నరేష్ చెప్పిన ఈ విషయాలు నెట్టింట వైరల్ అవుతున్నాయి. నరేష్, పవిత్ర కాంబోలో తెరకెక్కిన మళ్లీపెళ్లి (Malli Pelli) ప్రేక్షకులను పెద్దగా ఆకట్టుకోలేదు.
థియేటర్లలో ఫ్లాపైన ఈ సినిమా ఓటీటీలో హిట్ గా నిలిచింది. నరేష్, పవిత్ర జోడీకి ఫ్యాన్ బేస్ సైతం పెరుగుతోంది. నరేష్, పవిత్ర జోడీ కాంబినేషన్ లో మరిన్ని సినిమాలు రానున్నాయని తెలుస్తోంది. సీనియర్ నరేష్ కామెడీ టైమింగ్ కు సైతం ఎంతోమంది ఫ్యాన్స్ ఉన్నారు. నరేష్ భవిష్యత్తులో వరుస విజయాలను అందుకుంటారేమో చూడాల్సి ఉంది. నరేష్ కు ఆఫర్లు అంతకంతకూ పెరుగుతున్నాయి.
