పెద్ద ప్రొడక్షన్‌ను పట్టేసిన నవీన్‌ చంద్ర

January 12, 2021 / 12:28 PM ISTByFilmy Focus

Join Us

పెద్ద ప్రొడక్షన్‌ను పట్టేసిన నవీన్‌ చంద్ర

‘ఈ హీరోతో సినిమా చేస్తే మినిమం గ్యారెంటీ’’ అనిపించుకోవడమూ చాలా కష్టమే ఈ రోజుల్లో. కానీ అలాంటి ఓ ఫీల్‌ని కలిగించిన నటుడు నవీన్‌ చంద్ర. ‘భానుమతి రామకృష్ణ’తో లాక్‌డౌన్‌ టైమ్‌లో ఓటీటీ హీరోగా నిలిచాడు. ఆ సినిమాలో నవీన్‌ చంద్రకు మంచి పేరే వచ్చింది. ఇప్పుడది పెద్ద పెద్ద నిర్మాతల దృష్టిలో పడేలా చేసింది. మొన్నటికి మొన్న ‘ఆర్కా మీడియా’ తో పని చేసే అవకాశం దక్కించుకున్న నవీన్‌… ఇప్పుడు ‘యూవీ క్రియేషన్స్‌’లోకి వచ్చేశాడు.

యూవీ క్రియేషన్స్‌ ఇటీవల యూవీ కాన్సెప్ట్స్‌ అనే కొత్త సంస్థను ప్రారంభించింది. చిన్న బడ్జెట్‌, ఆకట్టుకునే కథ ఉంటే అందులో సినిమాలు తీస్తారట. ఈ క్రమంలో రాకేశ్‌ వర్మ అనే కొత్త దర్శకుడి కథతో సినిమాకు అంగీకరించింది. అందులోనే నవీన్‌ చంద్ర కథానాయకుడిగా నటిస్తున్నాడు. ఇటీవలే నగర శివార్లలో ఈ సినిమా చిత్రీకరణ ప్రారంభమైంది. మరో 25 రోజులు చిత్రీకరిస్తే సినిమా పూర్తయిపోతుందట. అలీ రెజా, భార్గవి, రవి వర్మ ఇతర ప్రధాన పాత్రల్లో నటిస్తున్న ఈ సినిమా థ్రిల్లర్‌ కథాంశంతో రూపొందుతోందట.

‘అందాల రాక్షసి’తో పరిశ్రమలో అడుగుపెట్టిన నవీన్‌ చంద్ర ఆ జోరు కొనసాగించేలా కనిపించాడు. అయితే సినిమాల ఎంపికలో లోపం వల్ల వెనుకబడిపోయాడు. ఆ తర్వాత ప్రాధాన్యం అంతగా లేని పాత్రల్లో కనిపించాడు. అయితే ‘భానుమతి రామకృష్ణ’ తర్వాత మళ్లీ సరైన ట్రాక్‌లోకి వస్తున్నట్లు కనిపిస్తున్నాడు. చూద్దాం ఎలా సాగిస్తాడో కొత్త జర్నీ.