Nayanthara: పిల్లల విషయంలో నయన్ సంచలన నిర్ణయం?

March 23, 2022 / 03:43 PM ISTByFilmy Focus

Join Us

Nayanthara: పిల్లల విషయంలో నయన్ సంచలన నిర్ణయం?

టాలీవుడ్, కోలీవుడ్ ఇండస్ట్రీలలోని స్టార్ హీరోయిన్లలో ఒకరైన నయనతార ఒక్కో సినిమాకు 5 కోట్ల రూపాయలకు అటూఇటుగా రెమ్యునరేషన్ తీసుకుంటున్నారు. నయనతారకు క్రేజ్ ఉండటంతో ఆమె అడిగినంత రెమ్యునరేషన్ ఇవ్వడానికి నిర్మాతలు సైతం వెనక్కు తగ్గడం లేదు. అయితే గత రెండు రోజుల నుంచి నయనతార తల్లి కాబోతున్నారంటూ సోషల్ మీడియాలో, వెబ్ మీడియాలో జోరుగా వినిపిస్తోంది. సరోగసి పద్ధతిలో నయనతార తల్లి కాబోతున్నారని ప్రచారం జరుగుతుండగా ఇందుకోసం నయనతార ప్రత్యేక పూజలు చేయించారని వార్తలు ప్రచారంలోకి వచ్చాయి.

Click Here To Watch NEW Trailer

కొన్ని రోజుల క్రితం నయనతార పాపిట సింధూరంతో కనిపించడంతో ఆమెకు పెళ్లైందని కామెంట్లు వ్యక్తమయ్యాయి. వైరల్ అయిన ఆ వార్త వల్ల నయనతార తల్లి కాబోతుందంటూ వార్తలు ప్రచారంలోకి వస్తుండటం గమనార్హం. చాలారోజుల క్రితమే నయనతార విఘ్నేష్ శివన్ నిశ్చితార్థం చేసుకోగా వీళ్లిద్దరి పెళ్లికి సంబంధించి ఎలాంటి అధికారిక ప్రకటన రాకపోవడంతో వేర్వేరు రూమర్లు ప్రచారంలోకి వస్తున్నాయి. సీక్రెట్ గా నయనతార తల్లి కాబోతున్నారంటూ కోలీవుడ్ మీడియా వర్గాల్లో వినిపిస్తోంది.

అయితే నయనతార సన్నిహితులు మాత్రం వైరల్ అవుతున్న వార్తల్లో ఎలాంటి నిజం లేదని చెబుతుండటం గమనార్హం. నుదుటిపై బొట్టు పెట్టుకున్నంత మాత్రాన ఆమెకు పెళ్లైపోయిందని ప్రచారం చేయడం కరెక్ట్ కాదని నయనతార గుళ్లలో ప్రత్యేక పూజలు చేయడం మాత్రం వాస్తవమేనని నయన్ సన్నిహితులు వెల్లడిస్తున్నారు. నయనతార స్వయంగా స్పందించి క్లారిటీ ఇస్తే మాత్రమే ఈ రూమర్లు ఆగిపోయే అవకాశాలు ఉంటాయి. ప్రస్తుతం నయనతార కెరీర్ పరంగా వరుస ఆఫర్లతో బిజీగా ఉన్నారు.

తెలుగులో నయనతార గాడ్ ఫాదర్ సినిమాలో నటిస్తున్నారు. పెళ్లి, పిల్లల గురించి నయనతార ఆలోచించే స్థితిలో లేరని ఆమె సన్నిహితులు చెబుతుండటం గమనార్హం. మరోవైపు నయన్ విఘ్నేష్ ల బ్యానర్ అయిన రౌడీ పిక్చర్స్ అనే బ్యానర్ పేరుపై పోలీస్ కేసు ఫైల్ అయినట్టు తెలుస్తోంది. అయితే ఈ కేసుకు సంబంధించి అధికారిక ప్రకటన మాత్రం రాలేదు.