సమంతతో పోటీ పడుతున్న నయనతార

పెళ్ళైన తర్వాత రెండు నెలల్లో ఏకంగా మూడు సినిమాలు విడుదల చేసి సమంత తన సాటి-తోటి హీరోయిన్లందరికీ “నేను ఇంకా రేస్ లో ఉన్నాను” అని గట్టి మెసేజ్ ఇవ్వడంతోపాటు.. తన క్రేజ్ ను ఘనంగా ప్రకటించుకొంది. అప్పట్నుంచి సమంత ఇచ్చిన టార్గెట్ ను నవతరం హీరోయిన్లెవరూ అందుకోలేకపోయారు. ఇక ఆ రికార్డ్ సమంతకు మాత్రమే సొంతమని ఆమె అభిమానులందరూ ఫిక్స్ అయిపోయిన తరుణంలో.. నయనతార రేస్ లోకి దిగింది. ఈ లేడీ సూపర్ స్టార్ నటించిన రెండు తమిళ చిత్రాలు ఒకే నెలలో విడుదలకానున్నాయి. అందులో ఒకటి హీరోయిన్ ఓరియెంటెడ్ అవ్వడం విశేషం.

నయనతార టైటిల్ పాత్రలో తెరకెక్కిన “కోకో” ఆగస్ట్ 10న విడుదలకానుండగా.. ఆమె ప్రధాన పాత్ర పోషించిన మరో చిత్రం “ఈమైక్కా నోడిగల్” కూడా ఆగస్ట్ చివరి వారంలో విడుదలకౌ సిద్ధమవుతోంది. నిజానికి ఈ చిత్రాన్ని సెప్టెంబర్ లో విడుదల చేద్దామనుకొన్నారు కానీ అదే నెలలో వేరే స్టార్ హీరోల సినిమాలు ఉండడంతో ఆగస్ట్ కి పోస్ట్ పోన్ చేశారు. ఈ రెండు సినిమాలపై కూడా మంచి అంచనాలున్నాయి. “కోకో” చిత్రంలో డ్రగ్స్ అమ్మే అమ్మాయిగా నటిస్తున్న నయనతార.. “ఇమాక్కై నోడిగల్”లో పోలీస్ ఆఫీసర్ గా నటిస్తుండడం విశేషం. సొ, ఒకే నెలలో రెండు వైవిధ్యమైన పాత్రలో నయనతార సినిమా అభిమానులను ఆకట్టుకోవడంతోపాటు.. తన అభిమానులను అలరించనుందన్నమాట.