తెలుగులో ఎంట్రీ ఇవ్వనున్న నజ్రియా!

‘బెంగళూరు డేస్’ సినిమాతో సూపర్ క్రేజ్ సంపాదించుకున్న నటి నజ్రియా నజీమ్. ‘రాజారాణి’ సినిమాతో తెలుగు వారికి కూడా దగ్గరైంది. ఈ సినిమా చూసిన వారంతా నజ్రియాకి ఫ్యాన్స్ అయిపోయారు. అప్పట్లోనే ఈ బ్యూటీ తెలుగు సినిమాల్లో అవకాశాలు వస్తాయని భావించారు. కానీ ఆమె నటుడు ఫహాద్ ఫజిల్ ని పెళ్లాడి మలయాళ చిత్రాల్లోనే నటిస్తోంది. తెలుగు సినిమాల్లో కనిపించలేదు. ఇంతకాలానికి నజ్రియాకి స్ట్రెయిట్ తెలుగు సినిమాలో నటించే ఛాన్స్ వచ్చింది.

నాని హీరోగా దర్శకుడు వివేక్ ఆత్రేయ ఓ సినిమాను రూపొందించబోతున్నారు. మైత్రీ మూవీ మేకర్స్ బ్యానర్ పై తెరకెక్కిస్తోన్న ఈ సినిమాలో నజ్రియాను హీరోయిన్ గా తీసుకున్నట్లు అనౌన్స్ చేశారు. ఇదే విషయాన్ని నజ్రియా ఇన్స్టాగ్రామ్ లో పోస్ట్ చేస్తూ తెలుగు ప్రేక్షకులను అలరించడానికి వస్తున్నట్లు చెప్పారు. ఇదే తన మొదటి తెలుగు సినిమా అని.. మంచి టీమ్ తో వర్క్ చేయబోతున్నందుకు సంతోషంగా ఉందంటూ పేర్కొంది. నజ్రియా తెలుగులో నటించబోతుందని తెలుసుకున్న ఫ్యాన్స్ తెగ సంబరపడిపోతున్నారు.

చాలా కాలంగా ఆమెని తెలుగు సినిమాలో చూడాలనేది ఇక్కడి వారి కోరిక. మొత్తానికి ఈ సినిమాతో నజ్రియా తెలుగు వారిని ఖుషీ చేసింది. కాగా ఈ సినిమా టైటిల్ ను నవంబర్ 21న ప్రకటించనున్నారు.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!