Sangeeth Shobhan: సంగీత్ శోభన్.. కొంచెం తగ్గితే బెటరేమో

ప్రభాస్ కి ‘వర్షం’ వంటి బ్లాక్ బస్టర్ అందించిన దివంగత దర్శకుడు శోభన్ ఇద్దరు కుమారులు హీరోలుగా ఎంట్రీ ఇచ్చిన సంగతి తెలిసిందే. వారిలో ఒకరు సంతోష్ శోభన్.. మరొకరు సంగీత్ శోభన్(Sangeeth Shobhan).

Sangeeth Shobhan

సంతోష్ శోభన్ హీరోగా ఎంట్రీ ఇచ్చి చాలా కాలం అయ్యింది. అల్మోస్ట్ 10 ఏళ్ల నుండి హీరోగా సినిమాలు చేస్తున్నాడు. కానీ సక్సెస్ వెంటనే లభించలేదు. ఇటీవల వచ్చిన ‘కపుల్ ఫ్రెండ్లీ’ అతని మొదటి కమర్షియల్ సక్సెస్.

అయితే సంతోష్ తమ్ముడు సంగీత్ శోభన్ విషయంలో అలా జరగలేదు. ‘ఒక చిన్న ఫ్యామిలీ స్టోరీ’ వంటి వెబ్ సిరీస్..లతో కెరీర్ ప్రారంభించిన సంగీత్ శోభన్ కి.. ‘మ్యాడ్’ ‘మ్యాడ్ 2’ వంటి హిట్లు పడ్డాయి. ఇతని కామిడీ టైమింగ్ బాగుంటుంది. కరెక్ట్ గా ప్లాన్ చేసుకుంటే.. ఇతను కూడా మిడ్ రేంజ్ హీరోగా ఎదిగే అవకాశాలు పుష్కలంగా ఉన్నాయి. కాకపోతే ఇతని వ్యవహారశైలిపై కొన్ని కంప్లయింట్స్ ఉన్నాయి.

వెంటనే అవి సరిచేసుకోకపోతే భవిష్యత్తులో ఇబ్బందులు తప్పవనే చెప్పాలి.సంగీత్ కి ఇప్పుడున్న పాజిటివ్ ఇమేజ్ ని బట్టి చూసుకుంటే.. పబ్లిక్లో ముఖ్యంగా మీడియా ముందు చాలా జాగ్రత్తగా వ్యవహరించాలి. కానీ సంగీత్ తన సినిమా ఈవెంట్లలో ఛాన్స్ దొరికిన ప్రతిసారి సెటైర్లు వేస్తూ హడావిడి చేస్తున్నాడు. నిన్న జరిగిన ‘రాకాస’ ఈవెంట్ ను గమనిస్తే.. ఇది ఇంకా క్లియర్ గా అర్దం చేసుకోవచ్చు. ‘రాకాస’ టీజర్ లాంచ్లో సంగీత్ స్పీచ్ ఇవ్వాల్సి వచ్చింది.

ఆ టైమ్లో మీడియా వారిని ప్రస్తావిస్తూ.. ‘ముందు జనాలతో మాట్లాడతా.’క్యూ అండ్ ఎ’లో మనం మనం చూసుకుందాం. మీకు మంచి కంటెంట్ ఇస్తా’ అంటూ కొంచెం అతికి పోయాడు.  అక్కడితో ఆగిపోలేదు.. ఓ జర్నలిస్టు నిహారికని ప్రశ్నిస్తుండగా.. మధ్యలో దూరిపోయి ‘ముందు టీజర్ ఎలా ఉందో చెప్పండి’ అత్యుత్సాహం ప్రదర్శించాడు. ఇలా మీడియా వారిని ఛాన్స్ దొరికిన ప్రతిసారి కార్నర్ చేయాలని ప్రయత్నించాడు సంగీత్.

గతంలో కూడా ‘మ్యాడ్’ ‘మ్యాడ్ స్క్వేర్’ ఈవెంట్లలో ఇలాంటి ఉత్సాహం ప్రదర్శించాడు. కానీ సక్సెస్ లలో ఉన్నప్పుడు.. ఇలాంటి హడావిడికి పోతే..మొదటికే మోసం వస్తుంది. కాబట్టి.. సంగీత్ కొంచెం ఆచి తూచి మసులుకుంటే మంచిది అనేది మీడియా వారి అభిప్రాయం.

2వ రోజు కూడా బాగానే కలెక్ట్ చేసిన ‘విష్ణు విన్యాసం’