స్టార్ హీరో మెగాస్టార్ చిరంజీవి (Megastar Chiranjeevi) ప్రస్తుతం విశ్వంభర సినిమాతో బిజీగా ఉన్నారు. మల్లిడి వశిష్ట (Vassishtha) డైరెక్షన్ లో తెరకెక్కుతున్న ఈ సినిమాపై భారీ స్థాయిలో అంచనాలు ఏర్పడ్డాయి. ఎన్నో ప్రత్యేకతలతో ఈ సినిమా తెరకెక్కుతోందని సమాచారం అందుతోంది. విశ్వంభర (Vishwambhara) సినిమాలో అదిరిపోయే యాక్షన్ సీక్వెన్స్ సీన్స్ ఉన్నాయని ఇండస్ట్రీ వర్గాల్లో జోరుగా వినిపిస్తుండటం గమనార్హం. తాజాగా ఈ సినిమాకు సంబంధించి ఒక ముఖ్యమైన సన్నివేశాన్ని షూట్ చేశారట. ఆ యాక్షన్ సీక్వెన్స్ బురద నేలపై తీసిన యాక్షన్ సీక్వెన్స్ అని డూప్ లేకుండా ఆ రిస్కీ సీన్ లో చిరంజీవి చేశారని చేశారని తెలుస్తోంది.
68 సంవత్సరాల వయస్సులో సైతం రిస్కీ సీన్స్ లో చిరంజీవి నటిస్తూ అభిమానులను ఆకట్టుకుంటున్నారు. చిరంజీవి డెడికేషన్ కు ఫిదా అవ్వాల్సిందే అంటూ అభిమానులు అభిప్రాయపడుతున్నారు. సంక్రాంతి టార్గెట్ గా శరవేగంగా ఈ సినిమా తెరకెక్కుతోంది. ఈ సినిమాలో త్రిష (Trisha) డ్యూయల్ రోల్ లో నటిస్తున్నారని సమాచారం అందుతోంది. విశ్వంభర సినిమా 2024 సంవత్సరం జనవరి నెల 10వ తేదీన విడుదల కానుండటం గమనార్హం.
బింబిసార (Bimbisara) డైరెక్టర్ రెండో సినిమా కావడంతో ఈ సినిమాపై అంచనాలు భారీ రేంజ్ లో పెరుగుతున్నాయి. విశ్వంభర సినిమా ఔట్ పుట్ విషయంలో చిరంజీవి పూర్తిస్థాయిలో సంతృప్తితో ఉన్నారని తెలుస్తోంది. విశ్వంభర సినిమా మాస్, క్లాస్ ప్రేక్షకులకు నచ్చేలా ఉందని కామెంట్లు వ్యక్తమవుతున్నాయి. యూవీ క్రియేషన్స్ ఈ సినిమాను నిర్మిస్తుండగా కీరవాణి ఈ సినిమాకు మ్యూజిక్ అందిస్తుండటం గమనార్హం.
చిరంజీవి ఈ సినిమా విడుదలైన తర్వాతే కొత్త సినిమాలను ప్రకటించనున్నారని సమాచారం అందుతోంది. చిరంజీవి పాన్ ఇండియా ప్రాజెక్ట్ లతో బాక్సాఫీస్ ను ఏ రేంజ్ లో షేక్ చేస్తారో చూడాల్సి ఉంది. చిరంజీవిని అభిమానించే ఫ్యాన్స్ సంఖ్య పెరుగుతుండగా మెగాస్టార్ కెరీర్ విషయంలో ఆచితూచి అడుగులు వేస్తున్నారు.
విజయ్ కారు ధ్వంసం.. కారణం?
‘ఉస్తాద్ భగత్ సింగ్’ నుండీ మరో గ్లింప్స్ వచ్చేసింది.. ఎలా ఉందంటే?
Home