Bigg Boss 5 Telugu: ఆ కంటెస్టెంట్లను ట్రోల్ చేస్తున్న నెటిజన్లు!

ఆదివారం సాయంత్రం 6 గంటలకు అక్కినేని నాగార్జున హోస్ట్ గా బిగ్ బాస్ సీజన్ 5 గ్రాండ్ గా ప్రారంభమైంది. సిరి, ప్రియ, లోబో, రవి, షణ్ముఖ్ మినహా ప్రేక్షకులకు పెద్దగా పరిచయం ఉన్న కంటెస్టెంట్లు ఎక్కువగా లేకపోవడంపై బిగ్ బాస్ ఫ్యాన్స్ పెదవి విరుస్తున్నారు. క్రేజ్ లేని స్టార్స్ కు బిగ్ బాస్ నిర్వాహకులు ఎక్కువగా ప్రాధాన్యత ఇస్తున్నారని కామెంట్లు చేస్తున్నారు. మరోవైపు ఒకరిద్దరు మినహా లీకైన జాబితాలో ఉన్న కంటెస్టెంట్లే ఎక్కువగా బిగ్ బాస్ షోలో పాల్గొనడం గమనార్హం.

అయితే బిగ్ బాస్ సీజన్ 5లో పాల్గొన్న కంటెస్టెంట్లలో ఇద్దరు కంటెస్టెంట్లను నెటిజన్లు ఎక్కువగా ట్రోల్ చేస్తున్నారు. సిరి హన్మంత్, వీజే సన్నీ అతి ఎక్కువైందని అభిప్రాయపడుతున్నారు. ఈ ఇద్దరు కంటెస్టెంట్లు తమ ఓవర్ యాక్షన్ తో బిగ్ బాస్ షో ద్వారా చెడ్డపేరు తెచ్చుకుంటున్నారు. మరోవైపు సన్నీని నెటిజన్లు పులిహోరా రాజా అని కామెంట్లు చేస్తున్నారు. ఎలిమినేషన్ కు నామినేట్ అయితే మాత్రం ఈ కంటెస్టెంట్లకు ఇబ్బందులు తప్పవు.

మరోవైపు బిగ్ బాస్ నిర్వాహకులు ప్రతి సీజన్ లో యూట్యూబ్ స్టార్స్ కే ఎక్కువగా ప్రాధాన్యతనిస్తూ ఉండటం గమనార్హం. న్యూస్ యాంకర్లకు, పాపులర్ సినీ సెలబ్రిటీలకు బిగ్ బాస్ సీజన్ 5లో చోటు దక్కలేదనే చెప్పాలి. నామినేషన్లకు సంబంధించిన వివరాలు సైతం ముందుగానే లీకవుతూ ఉండటంతో లీకుల విషయంలో జాగ్రత్తలు తీసుకోని పక్షంలో బిగ్ బాస్ షోకు రేటింగ్స్ తక్కువగా వచ్చే అవకాశాలు ఉన్నాయి.

Most Recommended Video

బిగ్‌ బాస్ 5 కంటెస్టెంట్స్ గురించి మీకు తెలియని ఆసక్తికరమైన విషయాలు!
తన 16 ఏళ్ల కెరీర్ లో అనుష్క రిజెక్ట్ చేసిన సినిమాల లిస్ట్..!
ఈ 15 సినిమాలకి సంగీతం ఒకరు.. నేపధ్య సంగీతం మరొకరు..!