Sonu Sood: ట్రోలింగ్ కు ఛాన్స్ ఇచ్చిన సోనూసూద్.. ఏమైందంటే..?

కరోనా వైరస్ విజృంభణకు ముందు సోనూసూద్ నటుడిగా మాత్రమే తెలుగు ప్రేక్షకులకు సుపరిచితం. తక్కువ సంఖ్యలో సినిమాల్లో నటించినా అతడు, అరుంధతి, జులాయి, దూకుడు, మరికొన్ని సినిమాల్లో విలన్ రోల్స్ లో నటించి స్టైలిష్ విలన్ గా సోనూసూద్ పేరు తెచ్చుకున్నారు. అయితే సినిమాల్లో క్రూరమైన విలన్ గా కనిపించే సోనూసూద్ లో దానకర్ణుడు ఉన్నాడని సోనూసూద్ ప్రూవ్ చేసుకున్నారు. గతేడాది ఏప్రిల్ నెల నుంచి సోనూసూద్ ప్రజలకు తన వంతు సాయం చేస్తూ వస్తున్నారు.

సామాన్యులతో పాటు సెలబ్రిటీలకు సైతం ఇబ్బందులు ఎదురైన సమయంలో తానున్నానంటూ సోనూసూద్ అండగా నిలుస్తున్నారు. ఎంతోమంది రాజకీయ నాయకులు, సినిమా సెలబ్రిటీలతో పోలిస్తే సోనూసూద్ ఆస్తి తక్కువే అయినప్పటికీ సోనూసూద్ మాత్రం ఆస్తులను తాకట్టు పెట్టి మరీ ఆ డబ్బులు పేద ప్రజల అవసరాలను తీర్చడానికి వినియోగిస్తున్నారు. నిస్వార్థంగా కష్టాల్లో ఉన్నవారిని ఆదుకుంటూ తనకు రాజకీయాలపై ఆసక్తి లేదని సోనూసూద్ చెబుతున్నారు. సోనూసూద్ వల్ల సాయం పొందిన వారు ఆయనను దైవంతో సమానంగా కొలుస్తున్నారు.

అయితే తాజాగా సోనూసూద్ తన సోషల్ మీడియా పేజీలో ఒక కార్టూన్ ను షేర్ చేశారు. ఆ కార్టూన్ లో సోనూసూద్ ఆక్సిజన్ ను కొనుగోలు చేసి 200 మందికి ఇళ్లకే అందిస్తున్నానని చెబుతుండగా భరతమాత “కుమారా నిన్ను చూసి నేను గర్విస్తున్నా.. నీకు ఎల్లప్పుడూ రుణపడి ఉంటా.. నువ్వు రియల్ హీరోవి” అని చెబుతున్నట్టు ఉంది. అయితే ఈ కార్టూన్ అతిగా ఉందని సోనూసూద్ ఇలాంటి కార్టూన్ లు షేర్ చేసి నెటిజన్లకు ట్రోల్ చేసే అవకాశం ఇవ్వవద్దని ఆయన ఫ్యాన్స్ కోరుతున్నారు. కొందరు నెటిజన్లు మాత్రం ఈ కార్టూన్ విషయంలో సోనూసూద్ ను తీవ్రస్థాయిలో విమర్శలు చేస్తున్నారు.

Most Recommended Video

థ్యాంక్యూ బ్రదర్ సినిమా రివ్యూ & రేటింగ్!
వెంకీ టు సాయి తేజ్.. అందరూ అలా కష్టపడినవాళ్ళే..!
ఈ 12 మంది హీరోయిన్లు తక్కువ వయసులోనే పెళ్లి చేసుకున్నారు..!