ఆ విషయంలో బాలయ్య, ప్రభాస్ ఎందుకు ముందడుగు వేయడం లేదు…!

March 27, 2020 / 09:56 PM IST

Join Us

ఆ విషయంలో బాలయ్య, ప్రభాస్ ఎందుకు ముందడుగు వేయడం లేదు…!

నందమూరి బాలకృష్ణ…మాస్ లో ఈయనకి ఉన్న ఫ్యాన్ బేస్ అంతా ఇంతా కాదు. కుర్ర హీరోలు ఎంతమంది వచ్చినా ఈయన ప్రత్యేకత చాటుతూనే వస్తున్నారు. ఈయన సినిమాకి హిట్ టాక్ వస్తే భారీ కలెక్షన్లు రాబట్టడం గ్యారంటీ.. అదే ప్లాప్ టాక్ వస్తే ..మీడియం రేంజ్ హీరోల కంటే దారుణంగా పడిపోతుంది అనడానికి కూడా పెద్ద ఇబ్బంది పడనవసరం లేదు. అయితే దీనికి ప్రధాన కారణం బాలయ్య అభిమానులకి దూరంగా ఉండటమే అనేది కొందరి అభిప్రాయం.

పొలిటికల్ ట్రిప్ లు వేయడం, కేవలం సినిమాలు రిలీజ్ టైంలోనే బాలయ్య కనిపిస్తాడు. ఇక సక్సెస్ మీట్ లకి కూడా చాలా దూరంగా ఉంటాడు. రీసెంట్ గా మెగాస్టార్ ట్విట్టర్ ఎంట్రీ ఇచ్చి.. కొత్త వైభవాన్ని తీసుకొచ్చారు. నాగార్జున , వెంకటేష్ కూడా ట్విట్టర్ లో యాక్టివ్ గా ఉంటున్నారు. బాలయ్య కూడా ఎంట్రీ ఇస్తే చాలా బాగుంటుంది అని ఆయన అభిమానులు ఆశపడుతున్నారు.ఇక ఇప్పటి స్టార్ హీరోల్లో మన ప్రభాస్ కూడా బాలయ్య లానే..!

Netzens Waiting for Balayya & Prabhas

ఇప్పుడు అందరి స్టార్ హీరోలు ట్విట్టర్ లో ఉన్నారు ఒక్క ప్రభాస్ తప్ప. రీసెంట్ గా చరణ్ కూడా ఎంట్రీ ఇచ్చాడు. ప్రభాస్ మాత్రం ఆ దిశగా అడుగులు వేసేలా కనపడటం లేదు. పెళ్ళి చేసుకోలేదు అని ప్రశ్నలతో నెటిజన్లు ఇబ్బంది పెడతారేమో అనే ఉద్దేశంతో ట్విట్టర్ కు దూరంగా ఉంటున్నాడా అనే అనుమానాలు కూడా వ్యక్తం అవుతున్నాయి. ఒక్కసారి ప్రభాస్ ట్విట్టర్ ఎంట్రీ ఇస్తే సరికొత్త రికార్డులు క్రియేట్ అవ్వడం ఖాయం అని చెప్పడంలో సందేహం లేదు. మరి ఆ అద్బుతం ఎప్పుడు జరుగుతుందో…!