ఏదైనా సినిమా నుండి ప్రమోషనల్ వీడియో బయటకు వస్తే.. ఆ సినిమా గురించి కొత్త విషయాలు తెలుస్తాయి, హైప్ పెరుగుతుంది. అయితే ‘దేవర’ (Devara) సినిమా నుండి రిలీజైన ప్రమోషనల్ కంటెంట్ కొత్త డౌట్స్కి కారణమైంది. అయితే అవి సినిమాకు హైప్ను పెంచేవే. అయితే కొంతమంది మాత్రం ‘ఆచార్య’ సినిమాతో పోలుస్తూ.. టీమ్ను డీమోటివేట్ చేసే ప్రయత్నం కూడా చేస్తున్నారు. ఇంతకీ ఏమైందంటే.. సైఫ్ అలీ ఖాన్ (Saif Ali Khan) పుట్టినరోజు సందర్భంగా ‘దేవర’ సినిమా టీమ్ స్పెషల్ టీజర్ని రిలీజ్ చేసింది.
ఈ సినిమాలో సైఫ్ విలన్గా నటిస్తున్న విషయం తెలిసిందే. ఇక ఈ టీజర్ సంగతి చూస్తే.. కథకు సంబంధించి క్లూస్ ఇవ్వకుండా.. కొన్ని యాక్షన్ విజువల్స్ రివీల్ చేశారు. అయితే ఈ నిమిషం వీడియోలోనే రెండు రకాల హెయిర్ స్టయిల్స్లో సైఫ్ అలీ ఖాన్ కనిపించాడు. ఒక టుక్ మిలిటరీ టైపు కాగా, మరొకటి జులపాల జుట్టు. దీంతో కొంతమంది ఆ సీన్స్ను డీ కోడ్ చేస్తున్నారు. ‘దేవర’లో ఎన్టీఆర్ (Jr NTR) డ్యూయల్ రోల్ చేస్తున్నట్లుగా..
సైఫ్ అలీ ఖాన్ రెండు లుక్ల్లో కనిపిస్తాడు అని లెక్కేస్తున్నారు. ఆ లెక్కన సినిమాలో రెండుసార్లు తారక్ వర్సెస్ సైఫ్ ఉంటుంది అని చెబుతున్నారు. లేదంటే సైఫ్ కూడా డ్యూయల్ రోల్లో నటిస్తుండొచ్చు అని అంటున్నారు. లేదంటే బాబీ డియోల్ పాత్ర.. సైఫ్ పాత్రకి కొడుకు అయ్యుండొచ్చు అని కూడా అంచనా వేస్తున్నారు. సినిమాకు సంబంధించి కొత్త వీడియోలు బయటకు వచ్చేకొద్దీ ఈ విషయంలో ఇంకొన్ని క్లారిటీలు, డౌట్స్ వస్తాయి.
మరోవైపు ఈ సినిమాలో సైఫ్ పాత్రను.. ‘ఆచార్య’ (Acharya) సినిమాలో సోనూ సూద్ (Sonu S0od) పాత్రను పోలుస్తూ కొన్ని వీడియోలను సోషల్ మీడియాలో ట్రోల్ చేస్తున్నారు. రెండు పాత్రలు ఇంచుమించు ఒకేలా ఉన్నాయని, ఫలితం అలా ఉండకుండా ఉంటే బాగుండు అంటూ కామెంట్లు చేస్తున్నారు. ఇక సినిమా సంగతి చూస్తే.. ‘దేవర పార్ట్ 1’.. వచ్చే నెల 27న విడుదలవుతోంది.
