నాగ చైతన్య హీరోగా వచ్చిన ‘సవ్య సాచి’ చిత్రంతో టాలీవుడ్ కు ఎంట్రీ ఇచ్చింది నిధి అగర్వాల్. ఈ చిత్రం డిజాస్టర్ అయినప్పటికీ హీరోయిన్ నిధి అగర్వాల్ కు మాత్రం యూత్ లో మంచి క్రేజ్ ఏర్పడింది. వెంటనే అఖిల్ ‘మిస్టర్ మజ్ను’ లో కూడా నటించింది ఈభామ. సాధారణముగా రెండు డిజాస్టర్లు పడితే.. ఏ హీరోయినయినా అవకాశాలు దక్కించుకోవడం సులభం కాదు. కానీ నిధికి వెంటనే పూరి, రామ్ కాంబినేషన్లో తెరకెక్కుతున్న ‘ఇస్మార్ట్ శంకర్’ లో ఛాన్స్ కొట్టేసింది. దీనిని బట్టే అర్ధం చేసుకోవచ్చు ఆమె గ్లామర్ కి ఉన్న క్రేజ్ ఏంటనేది. ఈ సినిమా ఇంకా విడుదల కాలేదు.. వెంటనే మరో క్రేజీ ఆఫర్ కొట్టేసిందట.
కోలీవుడ్ హీరో జయం రవి 25వ చిత్రంలో ఛాన్స్ కొట్టేసింది నిధి. తాజాగా ఈ చిత్రం ప్రారంభోత్సవం జరిగింది. అలాగే జయం రవి కూడా ఇండస్ట్రీకి వచ్చి 16 ఏళ్ళు పూర్తవుతుండడంతో ఈ ప్రాజెక్ట్ పై మంచి అంచనాలే ఏర్పడ్డాయి. ఈ సినిమా విజయం సాధిస్తే మాత్రం నిధి అగర్వాల్ తమిళంలో మంచి ఆఫర్లు దక్కించుకునే అవకాశం కచ్చితంగా ఉంది. ఒక్క హిట్టు లేకపోయినా ఈమెకు వరుస అవకాశాలు రావడం ప్రతీ ఒక్కరినీ ఆశ్చర్యం కలిగించే విషయం.
