జైలులో నితిన్ ఏమి చేస్తున్నారు ?

యంగ్ హీరో నితిన్ కొంతకాలంగా ప్రేమ కథలతో విజయాలను అందుకుంటున్నారు. అ..ఆ.. సినిమాతో 50 కోట్ల క్లబ్ లో చేరిన నితిన్ ఈ సారి యాక్షన్ కథతో రాబోతున్నారు. అందాల రాక్షసి, కృష్ణగాడి వీర ప్రేమ గాధ చిత్రాలను తెరకెక్కించిన హను రాఘవపూడి నితిన్ ని మాస్ హీరోగా చూపించే ప్రయత్నం చేస్తున్నారు.  14 రీల్స్ పతాకంపై తెరకెక్కుతున్న ఈ చిత్రం షూటింగ్ కొన్ని రోజులుగా చంచల్ గూడ జైలులో జరుగుతోంది. కేకల సన్నివేశాలను ఇక్కడ చిత్రికరిస్తున్నట్లు సమాచారం. ఆ షూటింగ్  ఫొటోలు ఈ రోజు సోషల్ మీడియాలో హల్ చల్ చేస్తున్నాయి.

గడ్డం పెంచి రఫ్ గా కనిపిస్తున్న నితిన్ ఫోటో అందరి అభినందనలు అందుకుంటోంది. దిల్ మాదిరిగా ఈ మూవీ హిట్ అందుకోవడం గ్యారంటీ అని నెటిజనులు కామెంట్లు పోస్ట్ చేస్తున్నారు. సీనియర్ మ్యూజిక్ డైరెక్టర్ మణిశర్మ సంగీతం అందిస్తున్న ఈ చిత్రంలో సీనియర్ హీరో అర్జున్ విలన్ గా నటిస్తున్నారు.  అర్జున్, నితిన్ మధ్య ఉండే సీన్లు అద్భుతంగా ఉంటాయని చిత్ర బృందం వెల్లడించింది.

Also, do SUBSCRIBE to our YouTube channel to get latest Tollywood updates.