సాధారణంగా సినిమా ఇండస్ట్రీలోకి వచ్చి మంచి గుర్తింపు సంపాదించుకున్న వారు తను ఊహించని విధంగా నటన రంగంలోకి వచ్చి యాక్టర్ అయ్యానని చెబుతూ ఉంటారు. ఈ విధంగా ఊహించకుండా ఇండస్ట్రీలోకి అడుగుపెట్టి ఒక్క సినిమాతోనే ఎంతో మంచి గుర్తింపు సంపాదించుకున్నారు అఖండ సినిమాలో విలన్ పాత్రలో నటించిన నటుడు నితిన్ మెహతా.ఈయన 21 సంవత్సరాల పాటు సైనికుడిగా దేశ రక్షణ బాధ్యతలు నిర్వర్తించి రిటైర్మెంట్ అనంతరం ఇండస్ట్రీలోకి ఎంట్రీ ఇచ్చారు.
తాజాగా ఒక ఇంటర్వ్యూలో పాల్గొన్న నితిన్ మెహతా ఇండస్ట్రీలోకి ఎలా వచ్చారు అనే విషయం గురించి బయటపెట్టారు. తాను ఆర్మీకి రిటైర్మెంట్ ఇచ్చిన తర్వాత గుబురుగా గడ్డం పెంచాను అయితే ముంబై ఎయిర్ పోర్టు లో ఒక ఫిలిం మేకర్ కంటపడ్డాను. తర్వాత ఢిల్లీలో తొలిసారి మోడల్గా కనిపించాను. అనంతరం ఫ్యాషన్ వీక్ లో పాల్గొనాలని ఫోన్ రావడం అలా యాడ్స్ లో నటించి చివరికి సినిమా అవకాశాలు కూడా అందుకున్నానని తెలిపారు.
ఇకపోతే తను ఆర్మీలో ఉన్నప్పుడు కూడా ఎన్నో తెలుగు సినిమాలు చూసేవాడినని అందుకే తనకు అఖండ సినిమాలో నటిస్తున్న సమయంలో తాను మొదటి సినిమా అనే ఫీలింగ్ కూడా రాకుండా నటించానని తెలిపారు.ఇక బాలకృష్ణ వంటి నటుడితో స్క్రీన్ షేర్ చేసుకోవడం ఎంతో సంతోషంగా ఉందని, ఈ విధంగా విలన్ పాత్రలలో నటిస్తుండడం మంచి కిక్ ఇస్తుందంటూ నితిన్ మెహతా పేర్కొన్నారు.
తనకు తెలుగులోనే కాకుండా దక్షిణాది సినీ ఇండస్ట్రీలో ఇతర భాషలలో కూడా నటించాలని కోరిక ఉందని ముఖ్యంగా మహేష్ బాబు, నాగార్జున, చిరంజీవి, అల్లు అర్జున్ వంటి హీరోలతో స్క్రీన్ పై తన్నులు తినాలనే కోరిక ఉందని ఈ సందర్భంగా నితిన్ మెహతా పేర్కొన్నారు.ఇకపోతే ఈయన తన తదుపరి సినిమాల విషయానికి వస్తే ప్రస్తుతం రావణాసుర, స్పై వంటి సినిమాలతో పాటు ఓ తమిళ సినిమాలో కూడా చేస్తున్నానని పేర్కొన్నారు.
Most Recommended Video
టాలీవుడ్ లో రీ ఎంట్రీ ఇవ్వబోతున్న 10 మంది హీరోయిన్స్ లిస్ట్..!
అభిమానులకు అవకాశాలు ఇచ్చి బ్లాక్ బస్టర్లు అందుకున్న హీరోలు..!
ఈ ఏడాది బాక్సాఫీస్ వద్ద సక్సెస్ అయిన 13 సినిమాల లిస్ట్..!
