మెగాహీరోని పక్కన పెట్టేసిన నివేదా!

November 2, 2020 / 01:07 PM ISTByFilmy Focus

Join Us

వరుస ఫ్లాప్ లతో డీలా పడ్డ మెగామేనల్లుడు సాయి ధరమ్ తేజ్ ‘చిత్రలహరి’, ‘ప్రతిరోజూ పండగే’ చిత్రాలతో పుంజుకున్నాడు. ప్రస్తుతం ఆయన నటించిన ‘సోలో బ్రతుకే సో బెటర్’ సినిమా విడుదలకు సిద్ధంగా ఉంది. ఈ సినిమా తరువాత తేజు మరో రెండు, మూడు సినిమాలు చేయడానికి అంగీకరించాడు. ఇందులో దేవా కట్టా సినిమా ఒకటి. ‘ప్రస్థానం’ సినిమాతో మంచి హిట్ అందుకున్న దేవా కట్టా ఆ సక్సెస్ ని కొనసాగించలేకపోయాడు.

దీంతో తనకు పేరు తెచ్చిపెట్టిన ‘ప్రస్థానం’ సినిమాను బాలీవుడ్ లో రీమేక్ చేశాడు. ఈ సినిమా కూడా వర్కవుట్ అవ్వకపోవకపోవడంతో మరోసారి తెలుగులోనే తన సత్తా చాటాలని నిర్ణయించుకున్నాడు. ఈ క్రమంలో తేజుకి కథ చెప్పి ఓకే చేయించుకున్నాడు. ఈ సినిమాలో నివేదా పేతురేజ్ ని హీరోయిన్ గా ఎన్నుకున్నారు. గతంలో ఈమె తేజు సరసన ‘చిత్రలహరి’ సినిమాలో నటించింది. దీంతో మరోసారి ఈ కాంబో రిపీట్ చేయాలనుకున్నారు. కానీ ఇప్పుడు నివేదా ఈ ప్రాజెక్ట్ నుండి తప్పుకున్నట్లు సమాచారం.

లాక్ డౌన్ లో వరుస ప్రాజెక్ట్ లను లైన్ పెట్టిన నివేదా ఇప్పుడు తేజు సినిమాకి డేట్లు కేటాయించలేక సినిమా నుండి తప్పుకున్నట్లు సమాచారం. ఈమె స్థానంలో కోలీవుడ్ లో హీరోయిన్ గా ఎదిగిన తెలుగమ్మాయి ఐశ్వర్యా రాజేష్ ని తీసుకోబోతున్నట్లు టాక్. సాయి ధరమ్ తేజ్ కోసం దేవా కట్టా పొలిటికల్ థ్రిల్లర్ కథను రాసుకున్నాడు. ఈ సినిమాకి ‘రిపబ్లిక్’ అనే టైటిల్ ని పరిశీలిస్తున్నారు.