కాటమరాయుడు తర్వాత పవర్‌స్టార్‌ పవన్ కళ్యాణ్ తమిళ దర్శకుడు ఆర్‌టి నీసన్‌ దర్శకత్వంలో ఓ చిత్రం చేయనున్నారు. తమిళంలో విజయం సాధించిన ‘వేదాళం’ చిత్రానికి రీమేక్‌గా దీన్ని తెరకెక్కించనున్నారు. ప్రముఖ నిర్మాత ఏ ఏం రత్నం నిర్మిస్తున్న ఈ చిత్రంలో ప్రధాన హీరోయిన్ గా సాయేషా సైగల్ నటించనుంది. మాతృకలో హీరో అజిత్ చెల్లెలిగా లక్ష్మి మీనన్ పోషించిన పాత్రను తెలుగులో నివేతా థామస్‌ పోషిస్తున్నారని కొద్దిరోజులుగా సోషల్ మీడియాలో వార్త చక్కర్లు కొడుతోంది.
దీనిపై ఈ కేరళ నటి సోమవారం ట్విట్టర్‌ ద్వారా స్పందించారు. తాను పవన్ సోదరి పాత్రను తాను పోషించడం లేదని స్పష్టం చేశారు. ‘జెంటిల్‌మన్‌’తో తెలుగు ప్రేక్షకులకు పరిచయమైన ఈమె ‘క్షమించండి.. ఇది నిజం కాదు’ అని ట్వీట్‌ చేశారు. ఇంతటితో ఈ రూమర్లకు ఫుల్ స్టాప్ పడింది. మరి ఆ పాత్రలో ఎవరు కనిపించనున్నారబ్బా? అనే ప్రశ్న మాత్రం ప్రశ్నగానే ఉండిపోయింది. ఇంతకీ ఆ ఛాన్స్ ఎవరిని వరిస్తుందో తెలుసుకోవాలంటే కొన్ని రోజులు ఆగాల్సిందే.
Also, do SUBSCRIBE to our YouTube channel to get latest Tollywood updates.
