Pushpa 2: ‘పుష్ప’ విషయంలో సుకుమార్‌ ప్లాన్‌ అదేనా.. క్లైమాక్స్‌లో స్టే ట్యూన్డ్‌ అంటే..?

‘పుష్ప: ది రైజ్‌’  (Pushpa)  సినిమాలో చూసించి కేవలం ఇంట్రోలు మాత్రమే అసలు కథ ‘పుష్ప: ది రూల్‌’లో ఉంది అని సినిమా చూసినవాళ్లకు అర్థమైపోతుంది. అన్ని పాత్రలను ఇంట్రడ్యూస్‌ చేసి, వాళ్ల మధ్య కాన్‌ఫ్లిక్ట్‌ను సెట్‌ చేసి రెండో పార్టు కోసం లెక్కల మాస్టారు సుకుమార్‌ లెక్క కట్టి పెట్టారు. అయితే ఇప్పుడు ‘పుష్ప 2’  (Pushpa 2)  కూడా ఈ లెక్కను తేల్చేలా లేదు అని అంటున్నారు. వచ్చే నెల ఐదున విడుదల కానున్న ‘పుష్ప: ది రూల్‌’ సినిమాలో మెయిన్‌ విలన్‌ ఎంట్రీ ఉండదు అని చెబుతున్నారు.

Pushpa 2

అవును ఇప్పటివరకు కనిపించిన విలన్ల కంటే మరో పెద్ద విలన్‌ ఉంటాడు సినిమాలో.. అతనితో పోరే సినిమాకు ప్రధానమైన అంశం అని సినిమా వర్గాల్లో వినిపిస్తున్న మాట. ఆయన్ని రెండో పార్టులో చూపించడం లేదు అని అంటున్నారు. సినిమాలో ఇప్పటివరకు కనిపించిన జాలి రెడ్డి, మంగళం శ్రీను, దాక్షాయణి, సిద్ధప్ప నాయుడు, భన్వర్‌ సింగ్‌ షెకావత్‌ను వెనుకుండి నడిపే మరో వ్యక్తి ఉంటాడు.

రెండో ‘పుష్ప’లో ఆ పాత్రకు సంబంధించిన ఆనవాళ్లు ఉంటాయి కానీ.. ఫేస్‌ టు ఫేస్‌ ఉండదు అని చెబుతున్నారు. ఈ లెక్కన ఆ విలన్‌ను చూడాలంటే ‘పుష్ప 3’ చూడాల్సిందే అనే మాట వినిపిస్తోంది. నిజానికి రెండో పార్టు సెకండాఫ్‌లో ఆ పాత్రను రివీల్‌ చేస్తారని అనుకున్నా.. మూడో పార్టు కోసం ఇతర విలన్లను సినిమాలోకి తీసుకొచ్చారనే టాక్‌ నడుస్తోంది. ఇక అన్నింటికీ మించి ‘కవర్‌’లో ఉన్న పుష్పను బయటకు తీసుకురావాల్సి ఉంది.

తెలుగు సినిమాల అంచనాల ప్రకారం అయితే.. ‘పుష్ప’ సగటు వ్యక్తి కాదు.. ఆయన ఓ కవర్‌లో ఉండి గంధపు చెక్కల స్మగ్లింగ్‌ అరికట్టడానికి వచ్చిన వ్యక్తిగా బన్నీ కనిపిస్తాడని ఓ అంచనా ఉంది. మరి ఈ విషయంలో సుకుమార్‌ ఏం చేస్తారో చూడాలి. ఎందుకంటే మన హీరో విలన్‌గా ఉండి సినిమా ముగియకూడదు.

జోరు చూస్తుంటే కచ్చితంగా అనుకున్న డేట్‌కి పవన్‌ వచ్చేలా ఉన్నాడే..