అల్లు అర్జున్ ఫ్యాన్స్ కు నిరాశే మిగిలిందిగా..!

స్టార్ డైరెక్టర్ సుకుమార్ కు ఎంతో మంది కల్ట్ ఫ్యాన్స్ ఉన్నారు. ఈయన సినిమాల్లో చాలా కొత్తదనం ఉంటుంది. ఈయన కెరీర్లో డిజాస్టర్లు అయిన ‘జగడం’ ‘1 నేనొక్కడినే’ సినిమాలకి కూడా కల్ట్ ఫ్యాన్స్ ఏర్పడ్డారు అంటే.. ఈ లెక్కల మాస్టరు ఫాలోయింగ్ ఏంటనేది మనం అర్థం చేసుకోవచ్చు. ఇక ఈయన పుట్టినరోజు ఈరోజు. ప్రస్తుతం సుకుమార్ అల్లు అర్జున్ తో ఓ చిత్రం చేస్తున్నాడు. ‘రంగస్థలం’ చిత్రం తర్వాత ఇప్పటివరకూ సుకుమార్ నుండీ మరో సినిమా రాలేదు.

ఇక బన్నీతో చేస్తున్న చిత్రం ఈమధ్యే మొదటి షెడ్యూల్ ను కూడా పూర్తి చేసుకుంది. అయితే సుకుమార్ బర్త్ డే కాబట్టి బన్నీ సినిమా నుండీ ఏదైనా అప్డేట్ ఇస్తారేమో అని బన్నీ ఫ్యాన్స్ ఎదురుచూస్తున్నారు. కానీ ఆ అవకాశం లేనట్టే కనిపిస్తుంది. శేషాచల అడవుల్లో గంధపు చెక్కల స్మగ్లింగ్ నేపథ్యంలో ఈ చిత్రం రూపొందుతోంది. ఈ చిత్రంలో బన్నీ లుక్ చాలా మాస్ గా ఉండబోతుందట. ‘మైత్రి మూవీ మేకర్స్’ నిర్మిస్తున్న ఈ చిత్రంలో రష్మిక మందన కథానాయికగా నటిస్తుంది.

సరిలేరు నీకెవ్వరు సినిమా రివ్యూ & రేటింగ్!
దర్బార్ సినిమా రివ్యూ & రేటింగ్!