ఈ నెల ‘ప్రభాస్ అశ్విన్’ అప్‌డేట్‌ లేదట!

అభిమానుల ఆలోచనలను పట్టించుకొని, అంచనాలను అందుకునేందుకు ప్రయత్నాలు చేసే దర్శకులు ఉంటారు. సోషల్‌ మీడియా వచ్చాక దర్శకులు తమ ఆలోచల్ని, అప్‌డేట్స్‌ని వాటి ద్వారానే అందిస్తున్నారు. వాటిని చూసి అభిమానులు ఆనందపడుతూ ఉంటారు. అయితే దర్శకుడు నాగ్‌ అశ్విన్‌ ఇచ్చిన ఓ అప్‌డేట్‌ అభిమానులకు నిరాశకు గురిచేసిందనే చెప్పాలి. ప్రభాస్‌ – నాగ్‌ అశ్విన్‌ కాంబినేషన్‌లో వైజయంతి మూవీస్‌ ఓ సినిమా ప్రకటించిన విషయం తెలిసిందే. ప్రస్తుతం ఈ సినిమా ప్రీ ప్రొడక్షన్‌ పనులు జరుగుతున్నాయి. ఈ క్రమంలో ప్రతి నెల ఓ అప్‌డేట్‌ ఇస్తాను అని ఇటీవల ప్రకటించాడు నాగ్‌ అశ్విన్‌.

అందుకు తగ్గట్టుగా గతనెల ఆఖరులో టెక్నికల్‌ టీమ్‌ అప్‌డేట్‌ ఇచ్చి వావ్‌ అనిపించాడు. దీంతో ఈ నెల వచ్చే అప్‌డేట్‌పై అందరూ ఆసక్తిగా ఎదురుచూస్తున్నారు. ఈసారి ఏం చెబుతాడా? అని లెక్కలేసుకోవడం మొదలుపెట్టారు. నాగ్‌ అశ్విన్‌ ఇస్తానన్న అప్‌డేట్‌ను గుర్తు చేస్తూ ఓ నెటిజన్‌ నిన్న సాయంత్రం ఓ ట్వీట్‌ పెట్టాడు. మరో పది రోజుల్లో ప్రభాస్‌ – నాగ్‌ అశ్విన్‌ సినిమా అప్‌డేట్‌ వస్తుంది వెయిట్‌ చేయండి అని. దానికి అనూహ్యంగా నాగ్‌ అశ్విన్‌ రిప్లై ఇచ్చాడు. ‘క్షమించండి ఈ నెల 26న అప్‌డేట్‌ ఇవ్వలేకపోతున్నాం.

దయచేసి క్షమించండి. అప్‌డేట్ ఇవ్వడానికి ఇది సరైన సమయం కాదు’ అని రిప్లై ఇచ్చాడు. దీంతో ప్రభాస్‌ అభిమానులు నిరాశలో పడ్డారు. సినిమా ప్రారంభం ఎప్పుడనేది తెలియకపోయినా, కనీసం అప్‌డేట్స్‌ తో అయినా ఆనందపడదాం అనుకుంటే, ఇలాంటి ఆన్సర్‌ రావడం నిరాశే కదా మరి. మరోవైపు ప్రభాస్‌ ‘సలార్‌’ శరవేగంగా షూటింగ్‌ జరుపుకుంటోంది. జోరు చూస్తుంటే అన్నిటికంటే ముందు ఈ సినిమానే వచ్చేలా ఉంది.

Hi…very sorry but there won’t be an update on the 26th…pls excuse me…it’s not the correct time…

— Nag Ashwin (@nagashwin7) February 15, 2021

Most Recommended Video

ఉప్పెన సినిమా రివ్యూ & రేటింగ్!
ఈ 20 సినిమాలకి ఊరి పేర్లనే పెట్టారు..అయితే ఎన్ని హిట్ అయ్యాయి
తెలుగులో క్రేజ్ ఉన్న ఈ 10 యాంకర్ల వయసు ఎంతో మీకు తెలుసా?