Priyanka Chopra: ఆ ఇమేజ్ నాకు అసలు పనికి రాలేదు!

April 28, 2021 / 06:22 PM ISTByFilmy Focus

Join Us

Priyanka Chopra: ఆ ఇమేజ్ నాకు అసలు పనికి రాలేదు!

గ్లోబల్ బ్యూటీ ప్రియాంక చోప్రాపై ఆమె కజిన్ మీరా చోప్రా చేసిన కామెంట్స్ ఇప్పుడు బాలీవుడ్ లో హాట్ టాపిక్ గా మారాయి. ప్రియాంక చోప్రా సోదరిగా గుర్తింపు పొందిన మీరా చోప్రా.. ఇప్పటికే పలు వివాదాలతో వార్తల్లో నిలిచింది. గాథలో ఎన్టీఆర్ మీద వివాదాస్పద వ్యాఖ్యలు చేసి దుమారం రేపిన మీరా చోప్రా తాజాగా తనకు సోదరి వరస అయిన ప్రియాంక చోప్రాను ఉద్దేశిస్తూ సంచలన కామెంట్స్ చేసింది. ప్రియాంక చోప్రా చెల్లి అనే ఇమేజ్ తనకు ఎక్కడా ఉపయోగపడలేదని కుండబద్దలు కొట్టినట్లు చెప్పింది.

సినిమా ఇండస్ట్రీలో హీరోయిన్ గా ఎంట్రీ ఇచ్చిన సమయంలో ప్రియాంక చోప్రా సోదరి ఇండస్ట్రీకి వస్తుందనే వార్తలు వచ్చాయి కానీ అవి తనకు ఎంతమాత్రం కలిసి రాలేదని వాపోయింది. తను ఆడిషన్స్ ఇచ్చిన తరువాత దర్శకనిర్మాతలకు నచ్చితేనే తీసుకున్నారు తప్ప ప్రియాంక చోప్రా రిలేటివ్ అని ఎవరూ అవకాశాలు ఇవ్వలేదని చెప్పింది. తనకొచ్చిన అవకాశాలన్నీ సొంతంగా సంపాదించుకున్నవే తప్ప ఎవరి రికమెండేషన్ తో రాలేదని చెప్పింది. నిజానికి ప్రియాంక చోప్రా వలన కొన్ని సార్లు ఇబ్బందులు పడ్డానని చెప్పింది.

కొందరు నిర్మాతలు ప్రియాంక సిస్టర్ అని చెప్పి ఆఫర్లు ఇచ్చేవారు కాదని చెప్పుకొచ్చింది. సినిమా నేపధ్యం ఉన్న కుటుంబం నుండి రావడంతో సాధారణ అమ్మాయిలకు ఎదురయ్యే సమస్యలు తనకు ఎదురుకాలేదని.. అదొక్కటే తనకు లభించిన అడ్వాంటేజ్ అని చెప్పుకొచ్చింది. ఈ బ్యూటీ 2005లో ‘అంబే అరుయిరే’ అనే సినిమాతో తమిళంలో ఎంట్రీ ఇచ్చింది. ఆ తరువాత పవన్‌ కల్యాణ్‌ సరసన ‘బంగారం’ సినిమాలో కనిపించింది. ఇప్పటివరకు తెలుగు, తమిళ, హిందీ, కన్నడ భాషల్లో కలిపి మీరా చోప్రా ముప్పైకి పైగా చిత్రాల్లో నటించింది.