కరోనా కారణంగా జనాలంతా ఇబ్బంది పడుతోన్న సమయంలో సోనూసూద్ ముందుకొచ్చి అడిగిన వాళ్లకు, అడగని వాళ్లకు అందరికీ సేవలందిస్తున్నాడు. కోట్ల రూపాయలను ఖర్చు చేస్తూ మానవత్వం చాటుకుంటున్నాడు. వెండితెరపై విలన్ వేషాలు వేసే సోనూసూద్ కి ఇప్పుడు రియల్ హీరో ఇమేజ్ వచ్చేసింది. దీంతో దర్శకనిర్మాతలు అతడి క్రేజ్ ను క్యాష్ చేసుకోవాలనుకుంటున్నారు. ఈ క్రమంలో హీరోగా అతడితో సినిమాలు చేయడానికి ప్లాన్ చేస్తున్నారు. సోనూసూద్ హీరోగా కొన్ని సినిమాలు ఒప్పుకున్నాడని ఇండస్ట్రీలో టాక్ నడుస్తోంది.
దర్శకుడు క్రిష్ కూడా సోనూసూద్ కోసం ఓ కథ రెడీ చేసుకున్నాడని.. ఇద్దరి కాంబినేషన్ లో సినిమా రాబోతుందని వార్తలొచ్చాయి. అయితే సోనూసూద్ సన్నిహిత వర్గాలు ఈ విషయాన్ని ఖండించాయి. అసలు క్రిష్-సోనూసూద్ ల మధ్య భేటీ జరగలేదని.. ఈ కాంబినేషన్ లో సినిమా అనే వార్తల్లో ఎలాంటి నిజం లేదని వెల్లడించాయి. నిజానికి సోనూసూద్ కాల్షీట్స్ ఏమాత్రం ఖాళీ లేవు. ఇప్పటికే అతడి చేతిలో ఆరు సినిమాలు ఉన్నాయట.
అవన్నీ కూడా ప్రధాన పాత్రధారిగానే. ఎందులో కూడా హీరోగా చేయడం లేదు. హీరోగా తనకొచ్చిన స్క్రిప్ట్ లను సోనూసూద్ పక్కన పెట్టాడని.. తన దృష్టి ఇప్పుడు హీరోయిజంపై లేదని.. ప్రస్తుతం తన ఇమేజ్, తన కెరీర్ భంగం కలిగించకుండా ఉండాలన్న జాగ్రత్తలో సోనూసూద్ ఉన్నాడని సన్నిహిత వర్గాలు తెలిపాయి.
Most Recommended Video
ఏక్ మినీ కథ సినిమా రివ్యూ & రేటింగ్!
2 ఏళ్ళుగా ఈ 10 మంది డైరెక్టర్ల నుండీ సినిమాలు రాలేదట..!
టాలీవుడ్లో రూపొందుతున్న 10 సీక్వెల్స్ లిస్ట్..!
