ఎన్టీఆర్, బాబీ సినిమాకు పరిశీలనలో ఇంట్రెస్టింగ్ టైటిల్

యంగ్ టైగర్ ఎన్టీఆర్ 27 వ చిత్రానికి సంబంధించిన పనులు జోరందుకున్నాయి. జనతా గ్యారేజ్ తర్వాత ఆయన చేయనున్న సినిమాకు టెక్నీషియన్లు, ఆర్టిస్టుల ఎంపిక పూర్తి అయింది. ప్రస్తుతం ఈ చిత్రానికి టైటిల్ ని అన్వేషిస్తున్నారు. నందమూరి కళ్యాణ్ రామ్ స్థాపించిన ఎన్టీఆర్ ఆర్ట్స్ బ్యానర్లో తొలిసారి తారక్ నటిస్తున్న ఈ ఫిల్మ్ ని  పవర్, సర్దార్ గబ్బర్ సింగ్ ఫేమ్ బాబీ తెరకెక్కించనున్నారు. ఈ మూవీలో యంగ్ టైగర్ మూడు పాత్రల్లో మెప్పించనున్నారు.

పాత్రకు తగినట్లు సినిమా పేరుని డైరక్టర్ సెలక్ట్ చేశారు. ‘నట విశ్వరూప’ అనే టైటిల్‌ సరిగ్గా సూటవుతుందని భావిస్తున్నారు. దీనిపై హీరో ఎన్టీఆర్, నిర్మాత కళ్యాణ్ రామ్ అలోచించి త్వరలో నిర్ణయం తీసుకోనున్నారు. ఫిబ్రవరి నుంచి రెగ్యులర్ జరుపుకోనున్న ఈ మూవీకి రాక్ స్టార్ దేవీ శ్రీ ప్రసాద్ సంగీతం అందించనున్నారు. వంద కోట్లతో రూపుదిద్దుకోనున్న ఈ చిత్రంలో హరికృష్ణ, కళ్యాణ్ రామ్ ప్రత్యేక పాత్రల్లో కనిపించనున్నట్లు ఫిలిం నగర్ వాసులు చెప్పుకుంటున్నారు.

Also, do SUBSCRIBE to our YouTube channel to get latest Tollywood updates.