టాలీవుడ్ యంగ్ టైగర్ ఎన్టీఆర్ ఫ్యాన్స్ అరవింద సమేత సినిమా తరువాత ఎన్టీఆర్ కెరీర్ లో లాంగ్ గ్యాప్ రావడంతో వరుసగా సినిమాలు చేయాలని సూచనలు చేస్తున్నారు. ఆర్ఆర్ఆర్ మూవీ షూటింగ్ పూర్తైన తరువాత ఏడాదికి ఒకటి లేదా రెండు సినిమాలు విడుదలయ్యేలా ఎన్టీఆర్ వరుస సినిమాలకు గ్రీన్ సిగ్నల్ ఇస్తున్నారు. ఇప్పటికే ఎన్టీఆర్ కొరటాల శివ ప్రాజెక్ట్ కు సంబంధించిన అధికారక ప్రకటన వెలువడింది. ఎన్టీఆర్ పుట్టినరోజు సందర్భంగా కొత్త ప్రాజెక్ట్ ల ప్రకటనలు కూడా వెలువడే అవకాశాలు అయితే ఉన్నాయి.
ఎన్టీఆర్ 31వ సినిమా దర్శకుల జాబితాలో గత కొన్ని రోజుల నుంచి తమిళ దర్శకుడైన అట్లీ పేరు వినిపిస్తున్న సంగతి తెలిసిందే. ఎన్టీఆర్ విజయ్ కాంబినేషన్ లో భారీ మల్టీస్టారర్ రాబోతుందని గత కొన్నిరోజులుగా సోషల్, వెబ్ మీడియాలో జోరుగా ప్రచారం జరుగుతుండగా ఆ రూమర్లకు కోలీవుడ్ మీడియా చెక్ పెట్టింది. ప్రస్తుతం అట్లీ బాలీవుడ్ హీరో షారుఖ్ ఖాన్ సినిమాకు సంబంధించిన పనులతో బిజీగా ఉన్నారు. ఈ సినిమా రిలీజైన తరువాతే అట్లీ కొత్త సినిమాకు సంబంధించిన ప్రకటన వెలువడే అవకాశాలు ఉన్నాయి. ఎన్టీఆర్ 31వ సినిమాకు ప్రశాంత్ నీల్ డైరెక్టర్ గా వ్యవహరించే అవకాశాలు ఎక్కువగా ఉన్నాయి.
పాన్ ఇండియా కథలపై దృష్టి పెట్టిన ఎన్టీఆర్ పాన్ ఇండియా కథలకే ఎక్కువగా ప్రాధాన్యత ఇస్తున్నారని ఇండస్ట్రీ వర్గాల్లో ప్రచారం జరుగుతుండటం గమనార్హం. ఆర్ఆర్ఆర్ సినిమాలో ఎన్టీఆర్ పాత్రకు సంబంధించి కొన్ని సన్నివేశాలు మాత్రమే బ్యాలెన్స్ ఉన్నాయని తెలుస్తోంది. ఆ సన్నివేశాల షూటింగ్ పూర్తైన వెంటనే రాజమౌళి అనుమతితో ఎన్టీఆర్ కొరటాల శివ మూవీ షూటింగ్ లో పాల్గొనబోతున్నారు.
Most Recommended Video
‘పవన్ కళ్యాణ్’ హీరోగా రూపొందిన 11 రీమేక్ సినిమాలు మరియు వాటి ఫలితాలు..!
పెళ్లయ్యి కూడా పెళ్లి కానట్టు ఉండే 10 మంది టాలీవుడ్ భామల లిస్ట్..!
ఈ 10 మంది టాలీవుడ్ హీరోలకి బిరుదులు మార్చిన సినిమాల లిస్ట్..!
