Anitha: తెలుగులో రీఎంట్రీ ఇస్తున్న నువ్వు నేను అనిత.. అలాంటి పాత్రలో?

టాలీవుడ్ ఇండస్ట్రీని ఇప్పటికే హీరోయిన్ల కొరత వేధిస్తుండగా పాత హీరోయిన్లు సినిమాల్లోకి రీఎంట్రీ ఇస్తున్న సందర్భాలు సైతం ఉన్నాయి. నువ్వు నేను (Nuvvu Nenu), శ్రీరామ్ మరికొన్ని సినిమాలలో నటించిన అనితకు (Anitha) ప్రేక్షకుల్లో ఇప్పటికీ ఊహించని స్థాయిలో క్రేజ్ పెరిగింది. వయస్సు పెరుగుతున్నా అనిత మాత్రం లుక్స్ విషయంలో ఇప్పటికీ యంగ్ గా కనిపిస్తూ ఆకట్టుకుంటున్నారు. అనితకు ఫ్యాన్ ఫాలోయింగ్ కూడా భారీ స్థాయిలోనే ఉంది. అయితే ఒక సినిమాలో సుహాస్ కు (Suhas) జోడీగా అనిత నటించనున్నారని తెలుస్తోంది.

ఫ్లాష్ బ్యాక్ సీన్స్ లో సుహాస్ కు జోడీగా అనిత కనిపిస్తారని ఆ సీన్స్ సినిమాకు హైలెట్ గా నిలిచేలా ఉంటాయని భోగట్టా. దాదాపుగా ఎనిమిది సంవత్సరాల తర్వాత అనిత తెలుగులోకి రీఎంట్రీ ఇవ్వడం అభిమానులకు ఎంతో సంతోషాన్ని కలిగిస్తోంది. సుహాస్ కొత్త సినిమా ఓ భామ అయ్యో రామ అనే టైటిల్ తో తెరకెక్కుతోంది. మాళవిక మనోజ్ ఈ సినిమాలో మెయిన్ హీరోయిన్ గా నటిస్తున్నారు.

కొత్త దర్శకుడు రామ్ గోడల డైరెక్షన్ లో ఈ సినిమా తెరకెక్కుతుండటం గమనార్హం. చివరిగా 2016 సంవత్సరంలో మనలో ఒకడు అనే సినిమాలో ఆమె నటించి మెప్పించారు. తెలుగులో రీఎంట్రీ ఇస్తున్న అనిత ఏ రేంజ్ లో ప్రేక్షకులను మెప్పిస్తారో చూడాల్సి ఉంది. రీఎంట్రీ మూవీ సక్సెస్ సాధిస్తే అనిత మరిన్ని సినిమాలతో బిజీ అయ్యే ఛాన్స్ ఉంటుంది. ఎంతో టాలెంట్ ఉన్నా వరుస విజయాలు సాధించలేకపోవడం వల్ల అనితకు గతంలో ఆఫర్లు తగ్గాయి.

రీఎంట్రీ సినిమాలతో సత్తా చాటితే సీనియర్ స్టార్స్ కు జోడీగా ఆమెకు ఆఫర్లు వచ్చినా ఆశ్చర్యపోవాల్సిన అవసరం లేదు. అనిత రెమ్యునరేషన్ సైతం పరిమితంగానే ఉందని తెలుస్తోంది. అనిత తెలుగులో కెరీర్ ను ఎలా ప్లాన్ చేసుకుంటారో చూడాలి. ఆమె టాలెంట్ కు ఎంతోమంది ఫ్యాన్స్ అవుతున్నారు.