Actress Khushbu: హ్యాకర్ల దెబ్బకు మరోసారి కంగారు పడిన కుష్బూ!

సోషల్ మీడియాలో సెలబ్రెటీల అకౌంట్స్ ను హ్యాక్ చేయడం ఇటీవల కాలంలో రొటీన్ గా మారుతోంది. ముఖ్యంగా ట్విట్టర్ ను సైబర్ హ్యాకర్లు ఒక ఆటాడుకుంటున్నారు. దీంతో సెలబ్రెటీలు పలుమార్లు కంగారు పడాల్సి వస్తోంది. కొందరైతే ఈ కారణం వలన కూడా సోషల్ మిడియాలోకి రావాలంటే భయపడుతున్నారు. ఇక రీసెంట్ గా సీనియర్ నటీమణి, రాజకీయ నాయకురాలు కుష్బూ సుందర్ అకౌంట్ మరోసారి హ్యాక్ అయ్యింది. బీజేపీ నాయకురాలిగా కొనసాగుతున్న కుష్బూ గతకొంతకాలంగా ట్విట్టర్ లో చాలా చురుగ్గా కనిపిస్తున్నారు.

రాజకీయ విమర్శలతో ట్వీట్స్ వైరల్ అయ్యేలా చేస్తున్నారు. ఇక మరోసారి ఆమె అకౌంట్ హ్యాక్ కు గురైనట్లు తెలిపారు. గత ఏడాది ఏప్రిల్ లో ట్విట్టర్ ఖాతా హ్యాక్ అయ్యిందని ఇన్స్టాగ్రామ్ ద్వారా క్లారిటీ ఇచ్చారు. ఇక ఇప్పుడు మళ్లీ అదే తరహాలో హ్యాక్ అయినట్లు చెప్పారు. ఈ సారి హ్యాకర్లు కుష్బూ అకౌంట్‌ ప్రొఫైల్ పేరును బ్రియాన్‌గా మార్చడమే కాకుండా కవర్‌ ఫోటోని కూడా మార్చేశారు. అలాగే ఆమె గతంలో చేసిన ట్వీట్లన్నీ కూడా తొలగించారు.

దీంతో వెంటనే ఆమె ట్విట్టర్ కు విషయాన్ని చేరవేసింది. అమితాబ్ బచ్చన్, పూజా హెగ్డే వంటి స్టార్స్ కూడా గతంలో ఇదే తరహాలో హ్యాంకింగ్ ఇబ్బందులను ఎదుర్కొన్నారు. హ్యాక్ అవ్వడం వలన సోషల్ మీడియాలో ఉండాలంటేనే భయం వేస్తోందని ఇప్పటికే చాలామంది సెలబ్రెటీలు వివరణ ఇచ్చారు.

Most Recommended Video

పెళ్లి దాకా వచ్చి విడిపోయిన జంటలు!
తమిళ హీరోలు తెలుగులో చేసిన స్ట్రైట్ మూవీస్ లిస్ట్!
దర్శకులను ప్రేమించి పెళ్లి చేసుకున్న హీరోయిన్స్