Rashmika, Allu Arjun: అల్లు అర్జున్ – రష్మిక కాంబో మరోసారి.. కాకపోతే?

అల్లు అర్జున్- రష్మిక మరోసారి కలిసి నటించబోతున్నారా? అంటే ‘అవుననే’ అంటోంది బాలీవుడ్ మీడియా. అవును వారి సమాచారం మేరకు.. అది నిజమే అని తెలుస్తుంది. అల్లు అర్జున్ ప్రస్తుతం అట్లీ దర్శకత్వంలో ఓ పాన్ వరల్డ్ సినిమా చేస్తున్నాడు. ఈ మధ్యనే షూటింగ్ ప్రారంభం అయ్యింది. దాదాపు రూ.800 కోట్ల బడ్జెట్‌తో తెరకెక్కనుంది ఈ సినిమా. వి.ఎఫ్.ఎక్స్ కి ఎక్కువ ప్రాధాన్యత కలిగిన కథ, కథనాలతో రూపొందనుందట ఈ సినిమా. మునుపెన్నడూ లేని విధంగా ఇందులో విజువల్స్ డిజైన్ చేస్తున్నారట.

Rashmika, Allu Arjun

అల్లు అర్జున్ కానీ దర్శకుడు అట్లీ కానీ గతంలో ఇలాంటి సినిమా చేయలేదు. ఈ సినిమాలో హీరోయిన్లుగా దీపికా పదుకోనే నటిస్తుంది. మరో ముగ్గురు హీరోయిన్లకి కూడా ఛాన్స్ ఉన్నట్లు వినికిడి. మృణాల్ ఠాకూర్‌ కూడా ఈ సినిమాలో ఓ నాయికగా ఎంపికైంది. ముంబైలో జరిగిన తాజా షెడ్యూల్లో ఆమె పాల్గొంది. త్వరలోనే ఆమె పాత్రని రివీల్ చేస్తూ ఫస్ట్ లుక్ వదిలే అవకాశాలు ఉన్నాయి.

ఇక ఈ సినిమాలో రష్మిక మందన్న కూడా కీలక పాత్ర పోషిస్తున్నట్టు వినికిడి. అది విలన్ రోల్ అని టాక్. రష్మికకి కూడా ఆ పాత్ర బాగా నచ్చిందట. ఇప్పుడు ఆమె పాన్ ఇండియా హీరోయిన్. వరుసగా భారీ సక్సెస్ లు అందుకుంటుంది. తన మార్కెట్ పెంచుకోవాలని చూస్తుంది.

దీంతో అట్లీ సినిమాకి కూడా ఆమె సైన్ చేసినట్టు సమాచారం. త్వరలోనే ఈ విషయం పై నిర్మాతలు క్లారిటీ ఇవ్వనున్నారు.’సన్ పిక్చర్స్’ సంస్థ ఈ చిత్రాన్ని నిర్మిస్తోంది. సాయి అభ్యంకర్ సంగీతం అందిస్తున్నాడు. 2026 కి షూటింగ్ కంప్లీట్ చేసి 2027 లో సినిమాని రిలీజ్ చేయాలనే ప్లాన్ తో చిత్రీకరణ నిర్వహిస్తున్నారు.

ప్రముఖ నటుడి కేఫ్‌పై కాల్పులు.. గతంలో చేసిన కామెంట్లే కారణమా?