మహేష్ బాబు – త్రివిక్రమ్… ఇది క్రేజీ కాంబినేషనే..! కానీ సక్సెస్ ఫుల్ కాంబినేషన్ అని చెప్పలేం. ఈ కాంబినేషన్లో ఇప్పటికే 3 సినిమాలు వచ్చాయి. అవే ‘అతడు’ ‘ఖలేజా’ ‘గుంటూరు కారం’. ‘అతడు’ డీసెంట్ సక్సెస్ అందుకుంది. ‘ఖలేజా’ డిజాస్టర్ అయ్యింది. ఇక ‘గుంటూరు కారం’ నెగిటివ్ టాక్ తో మొదలై..కమర్షియల్ గా యావరేజ్ ఫలితంతో సరిపెట్టుకుంది. కానీ మహేష్ ని ఇంకో మెట్టు పైకి ఎక్కించడంలో మాత్రం దర్శకుడు త్రివిక్రమ్ సక్సెస్ అవుతున్నాడు. ఇంకా చెప్పాలంటే త్రివిక్రమ్.. సినిమాలకి మహేష్ ఎంతో ఎనర్జిటిక్ గా పెర్ఫార్మ్ చేస్తున్నాడు.
త్రివిక్రమ్ తో సినిమా చేసిన ప్రతిసారి మహేష్ లో దాగున్న బెస్ట్ పెర్ఫార్మర్ బయటకు వస్తున్నాడు. అందుకే ఈ కాంబో పై స్పెషల్ క్రేజ్ ఏర్పడుతూ ఉంటుంది.ఇదిలా ఉండగా.. ప్రస్తుతం మహేష్ బాబు.. రాజమౌళి సినిమా కోసం రెడీ అవుతున్నాడు. ఇది ఈ ఏడాది ఉగాదికి సెట్స్ పైకి వెళ్లే ఛాన్స్ ఉంది. ఇది మహేష్ కి 29 వ సినిమా. ఈ ప్రాజెక్టు కంప్లీట్ అవ్వడానికి ఇంకో 3 ఏళ్ళు టైం పట్టే ఛాన్స్ ఉంది. సో 2027 లో ఈ సినిమా ప్రేక్షకుల ముందుకు రావచ్చు.
రాజమౌళి ఎర్లీగా చేస్తే 2026 లో రావచ్చు. అయితే మహేష్ 30 వ సినిమా ఎవరితో చేస్తాడు అనేది మిలియన్ డాలర్ల ప్రశ్న. దీనికి సమాధానంగా మొన్నటివరకు కొరటాల శివ పేరు ఎక్కువగా వినిపించేది. కానీ ఇప్పుడు త్రివిక్రమ్ పేరు వినిపిస్తోంది. ఎందుకంటే ‘గుంటూరు కారం’ కి ముందు మహేష్ తో సినిమా అనుకున్నప్పుడు.. దానిని పాన్ ఇండియా ప్రాజెక్టుగా అనుకున్నారట. కానీ మహేష్.. అందుకు అంగీకరించలేదు. ఎందుకంటే రాజమౌళితో చేస్తున్న సినిమాతోనే తన పాన్ ఇండియా మార్కెట్ ఓపెన్ అవ్వాలి అనుకున్నారు కాబట్టి..!
అందుకే త్రివిక్రమ్ కి.. రాజమౌళితో సినిమా అయ్యాక కచ్చితంగా ‘మీతో పాన్ ఇండియా ప్రాజెక్ట్ చేస్తాను’ (Mahesh Babu)మహేష్ చెప్పారట. త్రివిక్రమ్ కూడా ఇంకా పాన్ ఇండియా మార్కెట్ లోకి ఎంట్రీ ఇవ్వలేదు. అల్లు అర్జున్, ఎన్టీఆర్..లతో చేసే సినిమాలతో త్రివిక్రమ్ కూడా పాన్ ఇండియా మార్కెట్లోకి ఎంట్రీ ఇస్తారు. మహేష్ తో సినిమా చేసే టైంకి త్రివిక్రమ్ కూడా పాన్ ఇండియా డైరెక్టర్ అవుతారు కాబట్టి.. అది కూడా పాన్ ఇండియా ప్రాజెక్ట్ అయ్యే ఛాన్స్ ఉంది. సో ‘మహేష్ 30’ త్రివిక్రమ్ డైరెక్షన్లోనే ఉండే ఛాన్స్ ఉంది.
‘గుంటూరు కారం’ లో ఆకట్టుకునే డైలాగులు ఇవే.!
‘గుంటూరు కారం’ తో పాటు సంక్రాంతి సీజన్ వల్ల సేఫ్ అయిన 10 సినిమాల లిస్ట్.!
2023లో అభినయంతో ఆకట్టుకున్న అందాల భామలు.!
Home