అలా జరిగితే ప్రభాస్ ఫ్యాన్స్ ముచ్చట తీరిపోతుంది..!

కెరీర్ ప్రారంభంలో కొన్ని సినిమాలకు రైటర్ గా పనిచేసిన కొరటాల శివ.. ‘మిర్చి’ సినిమాతో డైరెక్టర్ గా మారి మొదటి సినిమాతోనే బ్లాక్ బస్టర్ హిట్ అందుకున్నారు. ఆ చిత్రంలో ఆయన ప్రభాస్ ను చూపించిన తీరుకి కేవలం ప్రభాస్ ఫ్యాన్సే కాదు.. ఇతర హీరోల ఫ్యాన్స్ సైతం ఫిదా అయిపోయారు. ఈ చిత్రం అందరికీ ఓ హాట్ ఫేవరెట్ మూవీ అని చెప్పాలి. అయితే ఈ ఈ కాంబినేషన్ మళ్ళీ ఎందుకు సెట్ అవ్వలేదు అనే డౌట్ అందరిలోనూ ఉంది. ‘ఛత్రపతి’ తరువాత ప్రభాస్ కటౌట్ ను ఆ రేంజ్ లో ఎలివేట్ చేసి ఫ్యాన్స్ ఆకలి తీర్చిన డైరెక్టర్ కొరటాలే. కాబట్టి మళ్ళీ ఈ కాంబినేషన్ లో ఓ సినిమా వస్తే బాగుణ్ణు అని కోరుకొని అభిమాని ఉండడు అని చెప్పడంలో అతిశయోక్తి లేదు.

అయితే యూవి వారితో కొరటాలకు చెడిందని.. అందుకే ఈ కాంబినేషన్ సెట్ అవ్వలేదని ఇన్సైడ్ టాక్. అయితే ‘మైత్రి మూవీ మేకర్స్’ వారితో ప్రభాస్ కు అలాగే కొరటాల కు మంచి అనుబంధం ఉంది. అంతేకాదు ‘మైత్రి’ వారికి ప్రభాస్ ఓ సినిమా చెయ్యాలి. ఎప్పుడో అడ్వాన్స్ ఇచ్చారు వాళ్ళు. ఇప్పుడు ‘రాధేశ్యామ్’ పూర్తయితే … ‘మహానటి’ నాగ్ అశ్విన్ తో ప్రభాస్ సినిమా ఉంటుంది. అందుతున్న తాజా సమాచారం ప్రకారం ఆ ప్రాజెక్ట్ ప్రీ ప్రొడక్షన్ కోసం దర్శకుడు నాగ్ అశ్విన్ 6 నుండీ 8 నెలలు సమయం కావాలని కోరినట్టు తెలుస్తుంది. ఈ గ్యాప్ లో ఒక 6 నెలల కాల్షీట్స్ ‘మైత్రి’ వారికి ఇచ్చి వారి ప్రాజెక్ట్ కంప్లీట్ చెయ్యాలని ప్రభాస్ ఆలోచనలో ఉన్నాడట. మరో పక్క ‘ఆచార్య’ కూడా పూర్తయితే కొరటాల ఫ్రీ అవుతాడు. ఎలాగు కొరటాల మైత్రి వాళ్ళకి ఓ సినిమా చెయ్యాలి. ఆయన సినిమాకోసం 9 నెలలకు మించి సమయం తీసుకోడు. మరి మధ్యలో ఉన్న ఈ చిన్న అడ్జస్ట్ మెంట్లు జరిగిపోతే.. ఈ ‘మిర్చి’ కాంబో రిపీట్ అయ్యే ఛాన్సులు ఉన్నాయనేది ఫిలింనగర్ టాక్.

Most Recommended Video

‘హిట్ ’ సినిమా రివ్యూ & రేటింగ్!
‘భీష్మ’ సినిమా రివ్యూ & రేటింగ్!
‘టాలీవుడ్ స్టార్ హీరోల రెమ్యూనరేషన్లు!