Pawan Kalyan: మళ్ళీ పవన్ – సముద్రఖని కాంబినేషన్లో సినిమా..!

June 15, 2025 / 05:43 PM ISTByPhani Kumar

Join Us

ఆంధ్రప్రదేశ్ డిప్యూటీ సీఎం పవన్ కళ్యాణ్ (Pawan Kalyan) నుండి 3 సినిమాలు రానున్నాయి. ఒకటి ‘హరిహర వీరమల్లు’ అందరికీ తెలిసిందే. జూలై 18నే రానుంది అనే టాక్ నడుస్తుంది. మరోపక్క ‘ఓజి’ సినిమా సెప్టెంబర్ 25న వస్తుంది అంటున్నారు. మరోపక్క ‘ఉస్తాద్ భగత్ సింగ్’ షూటింగ్లో కూడా పాల్గొంటున్నారు పవన్ కళ్యాణ్. 2 నెలల పాటు పవన్ కళ్యాణ్ ఈ సినిమా షూటింగ్ కి టైం ఇవ్వాల్సి ఉంది.

Pawan Kalyan

ఇవి కంప్లీట్ చేసి పవన్ కళ్యాణ్ (Pawan Kalyan) .. తన సినీ కెరీర్ కు గుడ్ బై చెప్పేస్తారు అని అంతా అనుకుంటున్నారు. కానీ మరో 2 సినిమాలు చేసే అవకాశాలు కూడా కనిపిస్తున్నాయి. ‘హరిహర వీరమల్లు’ సినిమాకి నిర్మాత ఏ.ఎం.రత్నం భారీ బడ్జెట్ పెట్టేశారు. బిజినెస్ రూపంలో అది రికవరీ అయ్యేలా కనిపించడం లేదు. బయ్యర్స్ కి కానీ, ఆడియన్స్ కి కానీ ఈ సినిమాపై ఇంట్రెస్ట్ లేదు. ఒకవేళ ట్రైలర్ తో హైప్ ఏమైనా పెరిగితే.. అప్పుడు ఏదైనా అద్భుతం జరగాలి.

మరిన్ని సినిమా వార్తలు.

ఇప్పటివరకు చూసుకుంటే.. ‘హరిహర వీరమల్లు’ వల్ల నిర్మాత సేఫ్ అయ్యే అవకాశాలు కనిపించడం లేదు. ఈ విషయం తెలుసుకుని పవన్ కళ్యాణ్.. కొంత అమౌంట్ నిర్మాతకి వెనక్కి ఇవ్వడం జరిగింది. దాదాపు రూ.11 కోట్ల వరకు వెనక్కి ఇచ్చేశారు పవన్ అని టాక్ వినిపించింది. అంతేకాదు ఏ.ఎం.రత్నం నష్టాలు తీర్చేందుకు వేరే సినిమా చేయడానికి కూడా పవన్ రెడీ అయినట్లు తెలుస్తుంది.

Once again Pawan Kalyan, Samuthirakani combo

మరోపక్క పవన్ కళ్యాణ్.. సముద్రఖని (Samuthirakani) దర్శకత్వంలో ఒక సినిమా చేయడానికి ఇంట్రెస్ట్ చూపిస్తున్నారట. దీనికి త్రివిక్రమ్ కథ, మాటలు అందిస్తారనే టాక్ నడుస్తుంది. దీనిపై కన్ఫర్మేషన్ రావాలి. పవన్.. సముద్రఖని దర్శకత్వంలో ‘బ్రో’ చేశారు. ఇది పెద్దగా ఆడలేదు.. కానీ తక్కువ బడ్జెట్లో, అదీ అనుకున్న టైంలో తీయడం వల్ల నిర్మాత లాభపడ్డారు. సముద్రఖని స్పీడ్ కి పవన్ ఇంప్రెస్ అయిపోయి.. మరో సినిమా చేద్దామని అప్పుడే మాటిచ్చినట్టు వినికిడి.