వెండితెరపై నరసింహ వర్సెస్‌ నీలాంబరి ఎలా ఉంటుందో.. ఇప్పటి తరం సినిమా ప్రేక్షకులకు తెలియదు కానీ.. ఒక తరం వెనకి వాళ్లకు బాగా తెలుసు. ఇప్పటివాళ్లకు తెలియాలంటే యూట్యూబ్‌లో ‘నరసింహ’ అని టైప్‌ చేస్తే చాలు అద్భుతమైన సీన్స్ ఉంటాయి. అలాంటి కాంబినేషన్‌ మరోసారి రిపీట్‌ చేయాలని చూస్తున్నారు దర్శకుడు నెల్సన్‌ దిలీప్‌. రజనీకాంత్‌తో నెల్సన్‌ నెక్స్ట్‌ సినిమా చేయనున్న విషయం తెలిసిందే. అందులో రమ్యకృష్ణను కీలక పాత్ర కోసం తీసుకుంటున్నారని సమాచారం.
రజనీకాంత్‌ హీరోగా 169వ సినిమాను నెల్సన్‌ దిలీప్‌ తెరకెక్కించనున్న విషయం తెలిసిందే. సన్‌ పిక్చర్స్‌ నిర్మాణంలో కొన్ని రోజుల క్రితం ఈ సినిమాను అనౌన్స్‌ చేశారు. ఆ సినిమాకు సంబంధించి నెల్సన్‌ పనులు వేగవంతం చేశారట. కథను ఓవైపు పూర్తి స్థాయిలో సిద్ధం చేసుకుంటూనే, మరోవైపు కాస్టింగ్‌ పనులు ప్రారంభించారట. ఈ క్రమంలో సినిమాలో కీలక పాత్ర కోసం రమ్యకృష్ణను సంప్రదించారని తెలుస్తోంది. ముందుగా చెప్పినట్లు రజనీ – రమ్య అంటే…
మనకు గుర్తొచ్చేది ‘నరసింహ’ సినిమాలో నీలాంబరి – నరసింహ ఎపిసోడ్సే. హీరో – లేడీ విలన్‌ మధ్య సన్నివేశాలకు ఆ సినిమాను కేరాఫ్‌ అడ్రెస్‌ అని చెప్పొచ్చు. ఇప్పుడు అలాంటి సీన్స్ ఈ సినిమాలోనూ రిపీట్‌ చేయాలని చూస్తున్నారని టాక్‌. అన్నీ అనుకున్నట్లుగా సాగితే మరోసారి రమ్యకృష్ణ విలనిజాన్ని మరోసారి వీక్షించొచ్చు. అన్నట్లు ఈ చిత్రంలో రజనీకాంత్‌ సరసన ఐశ్వర్యారాయ్‌ నటిస్తుందని సమాచారం. అలాగే మరో కీలక పాత్రలో హీరోయిన్‌ ప్రియాంకా అరుళ్‌ మోహన్‌ నటిస్తుందని కూడా అంటున్నారు.
నెల్సన్‌ దిలీప్‌ రీసెంట్ సినిమా ‘బీస్ట్‌’ దారుణ పరాజయపాలవ్వడంతో రజనీకాంత్‌ సినిమాపై నీలినీడలు కమ్ముకున్నాయి. అయితే అవన్నీ పుకార్లు మాత్రమే అని ఇరు వర్గాలు వెల్లడించాయి. ఇప్పుడు కాస్టింగ్‌ పుకార్లతో సినిమా త్వరలోనే ప్రారంభమవుతుందని చెప్పకనే చెప్పేశారు. వీలైనంత త్వరగా సినిమా పూర్తి చేసి విడుదల చేసేయాలని రజనీకాంత్‌ అనుకుంటున్నారు. అయితే ఆయన ఆరోగ్యం దృష్ట్యా ఆచితూచి సినిమా చేయాలనే ఆలోచనలో ఉందట టీమ్‌.
Most Recommended Video
‘ఆర్.ఆర్.ఆర్’ తో పాటు ఫస్ట్ వీక్ తెలుగు రాష్ట్రాల్లో భారీ వసూళ్ళను రాబట్టిన సినిమాల లిస్ట్..!
తెలుగులో అత్యధిక థియేట్రికల్ బిజినెస్ చేసిన సినిమాల లిస్ట్..!
‘ఆర్.ఆర్.ఆర్’ తో పాటు బాక్సాఫీస్ వద్ద భారీ లాభాలను అందించిన 10 సినిమాల లిస్ట్..!
