నందమూరి బాలకృష్ణ, రోజా కాంబినేషన్లో గతంలో ఎన్నో చిత్రాలు వచ్చాయి. ‘భైరవ ద్వీపం’ ‘పెద్దన్నయ్య’ ‘గాండీవం’ ‘బొబ్బిలి సింహం’ ‘మాతో పెట్టుకోకు’ ‘సుల్తాన్’ వంటి ఎన్నో చిత్రాల్లో వీరిద్దరూ కలిసి నటించారు. ప్రస్తుతం వీరిద్దరూ రాజకీయాల్లో బిజీగా గడుపుతున్నారు. పైగా అధికార పార్టీలో రోజా ఉండగా ప్రతిపక్షం పార్టీలో బాలయ్య ఉన్నారు. ఇదిలా ఉంటే.. వీరిద్దరూ కలిసి మళ్ళీ ఓ సినిమా చేస్తున్నారు అనే వార్త ప్రస్తుతం ఫిలింనగర్ లో చక్కర్లు కొడుతుంది.
అసలు విషయం ఏమిటంటే.. బాలయ్య తన 106వ చిత్రాన్ని బోయపాటి శ్రీను డైరెక్షన్లో చేయడానికి రెడీ అవుతున్నారు. ఈ చిత్రంలో బాలీవుడ్ స్టార్ సంజయ్ దత్ నెగెటివ్ రోల్ పోషించబోతున్నట్టు ప్రచారం జరుగుతుంది. అంతేకాదు ఈ చిత్రంలో ఓ పవర్ ఫుల్ లేడీ పాత్ర కూడా ఉందట. ఈ పాత్ర కోసం రోజాను బోయపాటి శ్రీను సంప్రదించినట్టు తెలుస్తుంది. ఆలోచించి చెప్తానండీ అని రోజా సమాధానం చెప్పి పంపించారట. రాజకీయాల పరంగా అప్పుడప్పుడూ రోజా.. బాలయ్య పై కొన్ని సెటైర్లు వేస్తూ వచ్చారు. మరి ఆయన సినిమాలో నటించడానికి ఇప్పుడు ఒప్పుకుంటుందా అనేది పెద్ద ప్రశ్న. మరి ఫైనల్ గా ఈమె ఎలాంటి డెసిషన్ తీసుకుంటుందో చూడాలి..!
“జార్జ్ రెడ్డి” సినిమా రివ్యూ & రేటింగ్!
24 గంటల్లో అత్యధిక లైక్స్ సాధించిన సౌత్ సినిమా టీజర్లు ఇవే..!
Home