క్రేజీ కాంబినేషన్.. ముచ్చటగా మూడోసారి..!

సుధీర్ బాబు హీరోగా ఇంద్రగంటి మోహన్ కృష్ణ డైరెక్షన్లో ఇప్పటికే రెండు సినిమాలు వచ్చాయి.’సమ్మోహనం’ చిత్రం డీసెంట్ హిట్ గా నిలవగా.. ‘వి’ చిత్రం ఫ్లాప్ అయ్యింది. అయినా సరే ‘వి’ చిత్రంలో సుధీర్ బాబు ఎఫర్ట్ కు మంచి మార్కులే పడ్డాయి.ఇదిలా ఉండగా.. ‘వి’ తరువాత నాగ చైతన్య లేదా విజయ్ దేవరకొండతో సినిమా చెయ్యాలనుకున్నాడు దర్శకుడు ఇంద్రగంటి మోహన్ కృష్ణ. నిజానికి నాగ చైతన్య ఓకే చెప్పాడు కానీ..

ముందుగా అతను శేఖర్ కమ్ముల, విక్రమ్ కుమార్ డైరెక్షన్లో చెయ్యాల్సిన సినిమాలు పూర్తిచెయ్యాల్సి ఉంది.అవి కంప్లీట్ అవ్వాలంటే 2021.. ఎండింగ్ కు వచ్చేస్తుంది. ఇక విజయ్ దేవరకొండ కూడా పూరి డైరెక్షన్లో ‘ఫైటర్’ అనే చిత్రాన్ని పూర్తి చెయ్యాల్సి ఉంది. కాబట్టి ఈ గ్యాప్ లో ఓ చిన్న సినిమా చెయ్యాలని దర్శకుడు ఇంద్రగంటి మోహన్ కృష్ణ డిసైడ్ అయ్యాడట. అందుకే తనను గురువులా భావించి క్రమశిక్షణగా వర్క్ చేసే సుధీర్ బాబు అయితేనే కరెక్ట్ అని ఇంద్రగంటి డిసైడ్ అయ్యాడట. ప్రస్తుతం ఈ చిత్రానికి సంబంధించిన ప్రీ ప్రొడక్షన్ పనులు కూడా మొదలయ్యాయట.

సుధీర్ బాబు సరసన ‘ఉప్పెన’ హీరోయిన్ కృతి శెట్టిని తీసుకోబోతున్నారని టాక్. ‘మైత్రి మూవీ మేకర్స్’ లేదా ‘షైన్ స్క్రీన్స్’ సంస్థలు ఈ చిత్రాన్ని నిర్మించే అవకాశం ఉందని తెలుస్తుంది. ఎక్కువ శాతం ‘మైత్రి మూవీ మేకర్స్’ వారే ఈ ప్రాజెక్టుని నిర్మించే అవకాశం ఉందట. ఎందుకంటే ఇంద్రగంటికి ‘మైత్రి’ వారు ‘వి’ సినిమా టైములోనే అడ్వాన్స్ ఇచ్చారని ఇన్సైడ్ టాక్.

Most Recommended Video

ఆకాశం నీ హద్దు రా సినిమా రివ్యూ & రేటింగ్!
‘బిగ్ బాస్ 4’ లో ఎవరి పారితోషికం ఎంత.. ఎక్కువ ఎవరికి..?
50 కి దగ్గరవుతున్నా.. పెళ్లి గురించి పట్టించుకోని హీరొయిన్ల లిస్ట్..!